മെസിയില്ലാത്ത ആദ്യ ലാ ലിഗ സീസണ് ഇന്ന് തുടക്കം; വലന്സിയ- ഗെറ്റാഫെ ആദ്യ പോരാട്ടം
Synopsis
മെസിയും ക്രിസ്റ്റിയാനോ റൊണാള്ഡോയുമില്ലാത്ത ആദ്യ ലാ ലിഗ സീസണ് എങ്ങനെയായിരിക്കുമെന്നാണ് ആരാധകര് ഉറ്റുനോക്കുന്നത്.
മാഡ്രിഡ്: ലിയോണല് മെസിയില്ലാത്ത ആദ്യ ലാലിഗ സീസണ് ഇന്ന് തുടക്കം. രാത്രി 12.30ന് തുടങ്ങുന്ന മത്സരത്തില് വലന്സിയ, ഗെറ്റഫയെ നേരിടും. മെസിയും ക്രിസ്റ്റിയാനോ റൊണാള്ഡോയുമില്ലാത്ത ആദ്യ ലാ ലിഗ സീസണ് എങ്ങനെയായിരിക്കുമെന്നാണ് ആരാധകര് ഉറ്റുനോക്കുന്നത്. മെസിയില് കേന്ദ്രീകരിച്ച് കളിയൊരുക്കിയ ബാഴ്സയ്ക്ക് പുതിയ സീസണാണിത്.
അന്റോയിന് ഗ്രീസ്മാന്, സെര്ജിയോ അഗ്യൂറോ, മെംഫിസ് ഡിപെ, കുടിഞ്ഞോ എന്നിവര് എങ്ങനെ ഒത്തിണങ്ങുമെന്നതും പ്രധാനം. മുന്നിര താരങ്ങളുടെ പരിക്കില് തുടക്കം പിഴയ്ക്കുമോയെന്ന ആശങ്കയിലാണ് റയല് മാഡ്രിഡ്. ടോണി ക്രൂസ്, ഡാനി കാര്വഹാല്, കരീം ബെന്സെമ, ഫെര്ലന്ഡ് മെന്ഡി, ഈഡന് ഹസാര്ഡ് എന്നിവര്ക്കെല്ലാം അലാവെസുമായുള്ള നാളത്തെ മത്സരം നഷ്ടമായേക്കും.
നിലവിലെ ചാംപ്യന്മാരായ അത്ലറ്റികോ മാഡ്രിഡും ബാഴ്സലോണയും മറ്റന്നാളാണ് കളത്തിലിറങ്ങുക. ബാഴ്സലോണ റയല് സോസിദാദിനെയും അത്ലറ്റിക്കോ സെല്റ്റാ വിഗോയെയും നേരിടും.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!