താല്ക്കാലികമല്ല; ഒലേ സോള്ഷെര് ഇനി യുനൈറ്റഡിന്റെ സ്ഥിരം പരിശീലകന്
Synopsis
ഡിസംബറില് ഹോസെ മൗറീഞ്ഞോയെ പുറത്താക്കിയതിന് ശേഷം , ഇടക്കാല പരിശീലകനായി ചുമതലയേറ്റ സോള്ഷെറിന് കീഴില് ക്ലബ്ബ് മികച്ച പ്രകടനം നടത്തിയതോടെയാണ് തീരുമാനം.
മാഞ്ചസ്റ്റര്: ഒലേ സോള്ഷെറിനെ മാഞ്ചസ്റ്റര് യുണൈറ്റഡ് ഫുട്ബോള് ടീമിന്റെ പരിശീലകനായി സ്ഥിരപ്പെടുത്തി. മൂന്ന് വര്ഷത്തേക്കാണ് കരാര്.ഡിസംബറില് ഹോസെ മൗറീഞ്ഞോയെ പുറത്താക്കിയതിന് ശേഷം , ഇടക്കാല പരിശീലകനായി ചുമതലയേറ്റ സോള്ഷെറിന് കീഴില് ക്ലബ്ബ് മികച്ച പ്രകടനം നടത്തിയതോടെയാണ് തീരുമാനം.
സോള്ഷേറിന് കീഴില് കളിച്ച 19 മത്സരങ്ങളില് 14ലും യുണൈറ്റഡ് ജയിച്ചിരുന്നു. പോള് പോഗ്ബ അടക്കമുള്ള പ്രമുഖ താരങ്ങളുടെ പിന്തുണയും സോള്ഷെറിന് നേട്ടമായി. 46കാരനായ സോള്ഷേര് , 11 സീസണില് യുനൈറ്റഡിനായി കളിച്ചിട്ടുമുണ്ട്.
ഫുട്ബോളിലെത്തിയതിന് ശേഷം താന് ഏറ്റവും അധികം സ്വപ്നം കണ്ട പദവിയിലെത്തിയതില് സന്തോഷമുണ്ടെന്ന് സോള്ഷേര് പ്രതികരിച്ചു. പ്രീമിയര് ലീഗിൽ നിലവില് അഞ്ചാം സ്ഥാനത്താണ് യുണൈറ്റഡ്.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!