എംബാപ്പെയുടെ ഹാട്രിക്കും രക്ഷിച്ചില്ല, എല് ക്ലാസിക്കോയില് റയലിനെ വീഴ്ത്തി കിരീടമുറപ്പിച്ച് ബാഴ്സ
Synopsis
ബാഴ്സലോണയ്ക്കായി റഫീഞ്ഞ രണ്ടും എറിക് ഗാർസ്യയും ലാമിൻ യമാലും ഓരോ ഗോളും നേടി. റയലിനായി കിലിയൻ എംബാപ്പേ ഹാട്രിക് നേടി. സീസണിൽ നാലാം തവണയാണ് ബാഴ്സലോണ നിലവിലെ ചാമ്പ്യൻമാരായ റയൽ മാഡ്രിഡിനെ തോൽപിക്കുന്നത്.
മാഡ്രിഡ്: എൽ ക്ലാസിക്കോയിൽ റയൽ മാഡ്രിഡിനെ തോൽപിച്ച് സ്പാനിഷ് ലീഗ് കിരീടത്തിലേക്ക് അടുത്ത് ബാഴ്സലോണ. മൂന്നിനെതിരെ നാല് ഗോളിനായിരുന്നു റയലിന്റെ ഹോം ഗ്രൗണ്ടായ സാന്റിയാഗോ ബെർണാബ്യൂവില് ബാഴ്സയുടെ ജയം. ആദ്യ 15 മിനിറ്റിനിടെ കിലിയൻ എംബാപ്പേയുടെ രണ്ട് ഗോളിന് മുന്നിട്ടുനിന്ന ശേഷമായിരുന്നു റയലിന്റെ തോൽവി.
ബാഴ്സലോണയ്ക്കായി റഫീഞ്ഞ രണ്ടും എറിക് ഗാർസ്യയും ലാമിൻ യമാലും ഓരോ ഗോളും നേടി. റയലിനായി കിലിയൻ എംബാപ്പേ ഹാട്രിക് നേടി. സീസണിൽ നാലാം തവണയാണ് ബാഴ്സലോണ നിലവിലെ ചാമ്പ്യൻമാരായ റയൽ മാഡ്രിഡിനെ തോൽപിക്കുന്നത്. മൂന്ന് കളി ശേഷിക്കേ രണ്ടാം സ്ഥാനത്തുള്ള റയൽ മാഡ്രിഡിനേക്കാൾ ഏഴ് പോയന്റ് മുന്നിലാണ് ബാഴ്സലോണ. അവശേഷിക്കുന്ന മൂന്ന് കളികളില് ഒരെണ്ണം ജയിച്ചാല് ബാഴ്സക്ക് 28-ാം ലാ ലിഗ കിരീടം സ്വന്തമാക്കാം. കോച്ച് കാർലോ ആഞ്ചലോട്ടിക്ക് കീഴിൽ റയലിന്റെ അവസാന എൽ ക്ലാസിക്കോ ആയിരുന്നു ഇത്. തോൽവിയോടെ റയലിന്റെ കിരീടപ്രതീക്ഷകൾ ഏറക്കുറെ അവസാനിച്ചു.
അഞ്ചാം മിനിറ്റില് ഗോള് കീപ്പറുടെ ഫൗളില് നിന്ന് ലഭിച്ച പെനല്റ്റി ഗോളാക്കി മാറ്റിയാണ് എംബാപ്പെ റയലിനെ മുന്നിലെത്തിച്ചത്. ഒമ്പത് മിനിറ്റുകള്ക്ക് ശേഷം വിനീഷ്യസ് ജൂനിയറുടെ അസിസ്റ്റില് രണ്ടാം ഗോളും നേടി എംബാപ്പെ റയലിന് വ്യക്തമായ മുന്തൂക്കം നല്കി. ഇതോടെ റയലിനായി അരങ്ങേറ്റ സീസിണില് ഏറ്റവും ഗോളടിക്കുന്ന താരമെന്ന റെക്കോര്ഡും എംബാപ്പെ സ്വന്തമാക്കി. സീസണില് റയല് കുപ്പായക്കില് എംബാപ്പെയുടെ 38-ാം ഗോളായിരുന്നു ഇത്. 1992-93ലെ അരങ്ങേറ്റ സീസണില് റയലിനായി 37 ഗോളുകള് നേടിയ ചിലയന് താരം ഇവാന് സൊമറാനോയുടെ റെക്കോര്ഡാണ് എംബാപ്പെ തകര്ത്തത്.
എന്നാല് പത്തൊമ്പാതാം മിനിറ്റില് ആദ്യ അടിയുടെ ആഘാതത്തില് നിന്നുണര്ന്ന ബാഴ്സക്കായി ഫെറാന് ടോറസിന്റെ കോര്ണറില് നിന്ന് എറിക് ഗാർസ്യ ഒരു ഗോള് മടക്കി. പിന്നീട് നിരന്തര ആക്രമണം തുടര്ന്ന ബാഴ്സക്കായി 32- ാം മിനിറ്റില് ലാമീൻ യമാല് സമനില ഗോള് നേടി. രണ്ട് മിനിറ്റിനകം ഒരു ഗോള് കൂടി നേടിയ റഫീഞ്ഞ ബാഴ്സക്ക് ലീഡ് സമ്മാനിച്ചു. ഇടവേളക്ക് തൊട്ടു മുമ്പ് 45ാം മിനിറ്റില് രണ്ടാം ഗോളും നേടി റഫീഞ്ഞ ബാഴ്സയെ രണ്ടടി മുന്നിലെത്തിച്ച് ആധിപത്യം തിരിച്ചുപിടിച്ചു. 70-ാം മിനിറ്റില് ഹാട്രിക് പൂര്ത്തിയാക്കിയ എംബാപ്പെ ഒരു ഗോള് കൂടി മടക്കിയെങ്കിലും ബാഴ്സ പ്രതിരോധത്തെ പിന്നീട് മറികടക്കാനായില്ല.
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!