റൊണാള്ഡോയുടെ ഇരട്ട പ്രഹരം; യുവന്റസ് വിജയവഴിയിൽ
Synopsis
38-ാം മിനിറ്റിലും ആദ്യ പകുതിയുടെ ഇഞ്ച്വറി ടൈമിലും(45+1) ക്രിസ്റ്റ്യാനോ റൊണാള്ഡോ ഗോളുകള് നേടി.
ടൂറിന്: ഇറ്റാലിയന് ലീഗില് ക്രിസ്റ്റ്യാനോ റൊണാള്ഡോയുടെ ഇരട്ടഗോള് മികവില് യുവന്റസിന് മിന്നും ജയം. എതിരില്ലാത്ത മൂന്ന് ഗോളുകള്ക്കാണ് ക്രോട്ടോണിനെ തോല്പ്പിച്ചത്. 38-ാം മിനിറ്റിലും ആദ്യ പകുതിയുടെ ഇഞ്ച്വറി ടൈമിലും(45+1) ക്രിസ്റ്റ്യാനോ റൊണാള്ഡോ ഗോളുകള് നേടി. 66-ാം മിനിറ്റില് മക്കെനി യുവന്റസിന്റെ ഗോള് പട്ടിക തികച്ചു.
22 മത്സരങ്ങളില് 45 പോയിന്റുമായി ലീഗില് മൂന്നാം സ്ഥാനത്താണ് യുവന്റസ്. അതേസമയം മിലാന് ടീമുകളാണ് ആദ്യ രണ്ട് സ്ഥാനങ്ങളില്. 23 വീതം കളികള് കളിച്ചപ്പോള് ഇന്റര് മിലാന് 53 പോയിന്റുമായി ഒന്നാമതും 49 പോയിന്റുമായി എ.സി. മിലാന് രണ്ടും സ്ഥാനങ്ങളില് തുടരുന്നു.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!