പ്രായത്തിനും തളര്ത്താനാകുന്നില്ല; അത്ഭുത ഗോളുമായി വെയ്ന് റൂണി- വീഡിയോ
Synopsis
മേജര് ലീഗ് സോക്കറില് അത്ഭുത ഗോളുമായി മുന് ഇംഗ്ലണ്ട് താരം വെയ്ന് റൂണി. കഴിഞ്ഞ ദിവസം ഒര്ലാന്ഡോ സിറ്റിക്കെതിരെ മധ്യവരയ്ക്ക് പിന്നില് നിന്ന് ഗോള് നേടിയാണ് ഡിസി യുനൈറ്റഡ് താരം ഫുട്ബോള് ലോകത്തിന്റെ ശ്രദ്ധ തന്നിലേക്കാക്കിയത്.
ന്യൂയോര്ക്ക്: മേജര് ലീഗ് സോക്കറില് അത്ഭുത ഗോളുമായി മുന് ഇംഗ്ലണ്ട് താരം വെയ്ന് റൂണി. കഴിഞ്ഞ ദിവസം ഒര്ലാന്ഡോ സിറ്റിക്കെതിരെ മധ്യവരയ്ക്ക് പിന്നില് നിന്ന് ഗോള് നേടിയാണ് ഡിസി യുനൈറ്റഡ് താരം ഫുട്ബോള് ലോകത്തിന്റെ ശ്രദ്ധ തന്നിലേക്കാക്കിയത്. ഫുട്ബോള് കരിയറില് അദ്ദേഹത്തിന്റെ ഏറ്റവും മികച്ച ഗോളുകളില് ഒന്നായിരിക്കും ഇത്. 33കാരനായ റൂണിയെ പ്രായം തളര്ത്തുന്നില്ലെന്ന് തെളിയിക്കുന്നതാണ് ഈ ഒന്നാന്തരം ഗോള്.
സ്വന്തം പാതിയില് നിന്ന് പന്തെടുത്ത റൂണി മധ്യവരയ്ക്ക് പിന്നില് നിന്ന് നിറയൊഴിക്കുകയായിരുന്നു. മത്സരത്തിന്റെ 10ാം മിനിറ്റില്, ഒര്ലാന്ഡോ ഗോള് കീപ്പര് ബ്രിയാന് റോ ബോക്സിന് പുറത്ത് നില്ക്കുമ്പോഴായിരുന്നു റൂണിയുടെ തകര്പ്പന് ഷോട്ട്. ഒരു ഗോള് പിന്ബലത്തില് ഡിസി യുനൈറ്റഡ് വിജയിക്കുകയും ചെയ്തു. ഗോള് വീഡിയോ കാണാം.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!