ഏറ്റവും പുതിയ വണ്‍പ്ലസ് 9 സീരീസ് മുതല്‍ ഷവോമി, സാംസങ്, ആപ്പിള്‍, ഓപ്പോ, ഹോണര്‍, വിവോ എന്നിവയുടെ ആദായ വില്‍പ്പനയാണ് ആമസോണ്‍ ഒരുക്കിയിരിക്കുന്നത്.
സ്മാര്‍ട്ട്‌ഫോണുകള്‍ക്ക് വലിയ ഡിസ്‌ക്കൗണ്ടുകളുമായി ആമസോണിന്റെ ഫാബ് ഫെസ്റ്റ് തിരിച്ചെത്തി. എക്‌സ്‌ചേഞ്ച് ഓഫറുകള്‍, പലിശരഹിത ഇഎംഐ ഓപ്ഷനുകള്‍, ബാങ്ക് ഡിസ്‌കൗണ്ടുകള്‍, മറ്റ് ഓഫറുകള്‍ എന്നിവയുള്‍പ്പെടെ നിരവധി ഡീലുകള്‍ ആണ് ആമസോണ്‍ നല്‍കുന്നത്. . ആമസോണ്‍ ഇന്ത്യയുടെ കണക്കനുസരിച്ച് മൊബൈല്‍ ഫോണുകളിലും അനുബന്ധ ഉപകരണങ്ങളിലും ഉപയോക്താക്കള്‍ക്ക് 40% വരെ ഡിസ്‌കൗണ്ട് നല്‍കും. ഏറ്റവും പുതിയ വണ്‍പ്ലസ് 9 സീരീസ് മുതല്‍ ഷവോമി, സാംസങ്, ആപ്പിള്‍, ഓപ്പോ, ഹോണര്‍, വിവോ എന്നിവയുടെ ആദായ വില്‍പ്പനയാണ് ആമസോണ്‍ ഒരുക്കിയിരിക്കുന്നത്.
ഇതിനകം തന്നെ ആമസോണ്‍ ഇന്ത്യ വെബ്‌സൈറ്റില്‍ ഫെസ്റ്റ് ലൈവായിട്ടുണ്ട്. ഐസിഐസിഐ ബാങ്ക് ക്രെഡിറ്റ് കാര്‍ഡുകള്‍ ഉപയോഗിക്കുന്ന ഉപഭോക്താക്കള്‍ക്ക് അവരുടെ ഇടപാടുകള്‍ക്കായി ഇന്‍സ്റ്റന്റ് ഡിസ്‌ക്കൗണ്ടായി 1,000 രൂപ വരെ വാഗ്ദാനം ചെയ്യുന്നു. 2,000 രൂപ വരെ അധിക എക്‌സ്‌ചേഞ്ച് ഓഫറുകളും 12 മാസം വരെ നോകോസ്റ്റ് ഇഎംഐയും ലഭിക്കും. എച്ച്ഡിഎഫ്‌സി ബാങ്ക് ഡെബിറ്റ്, ക്രെഡിറ്റ് കാര്‍ഡുകള്‍ എന്നിവയില്‍ പ്രതിമാസം 1,333 രൂപ മുതല്‍ കുറഞ്ഞ ഇഎംഐ ഓപ്ഷനുകള്‍ വാഗ്ദാനം ചെയ്യുന്ന നോ കോസ്റ്റ് ഇഎംഐയുടെ പ്രയോജനം പ്രൈം അംഗങ്ങള്‍ക്ക് ലഭിക്കും. ഈ ഓഫറുകള്‍ കൂടാതെ, വില്‍പ്പനയ്ക്ക് കീഴിലുള്ള സ്മാര്‍ട്ട്‌ഫോണുകളില്‍ വ്യത്യസ്ത ഡിസ്‌കൗണ്ടുകള്‍ വേറെയും നല്‍കിയിട്ടുണ്ട്.
ആമസോണ്‍ ഫാബ് ഫെസ്റ്റിലെ മികച്ച ഡീലുകള്‍
ഷവോമി: റെഡ്മി 9 പവര്‍, റെഡ്മി 9, റെഡ്മി നോട്ട് 9 പ്രോ എന്നിവയുള്‍പ്പെടെയുള്ള ഷവോമി സ്മാര്‍ട്ട്‌ഫോണുകളുടെ വിലയില്‍ ആമസോണ്‍ വലിയ ഡിസ്‌ക്കൗണ്ട് വാഗ്ദാനം ചെയ്യുന്നു. ഈ ഡിസ്‌ക്കൗണ്ടുകള്‍ക്കൊപ്പം അധിക ബാങ്ക് ഓഫറുകളും 12 മാസം വരെ വിലയില്ലാത്ത ഇഎംഐ ഓപ്ഷനുകളും നല്‍കും. നിരവധി ഷവോമി ഹാന്‍ഡ്‌സെറ്റുകള്‍ക്കായി ആമസോണ്‍ ഫ്‌ലാഷ് വില്‍പ്പന നടത്തും.
സാംസങ്: ആമസോണ്‍ സാംസങ് എംസീരീസ് സ്മാര്‍ട്ട്‌ഫോണുകള്‍ക്ക് 25% വരെ ഡിസ്‌ക്കൗണ്ട് വാഗ്ദാനം ചെയ്യുന്നു, 6 മാസം വരെ നോ കോസ്റ്റ് ഇഎംഐ നല്‍കുന്നു. പുതുതായി വിപണിയിലെത്തിയ സാംസങ് ഗ്യാലക്‌സി എം 12 ന് ബാങ്ക് ഓഫറിനൊപ്പം 1,000 രൂപ കിഴിവും ഗ്യാലക്‌സി എം 51 അധിക ഓഫറുകള്‍ക്കൊപ്പം 6,000 രൂപ വരെ ഡിസ്‌ക്കൗണ്ടും ലഭിക്കും.
ആപ്പിള്‍: വില്‍പ്പനയ്ക്കിടെ, ഐഫോണ്‍ പ്രേമികള്‍ക്ക് ഐഫോണ്‍ 12 മിനിയിലേക്ക് പോകാം, ഇത് ബാങ്ക് ഓഫറുകളുമായി 61,100 രൂപ മുതല്‍ ഡിസ്‌ക്കൗണ്ടില്‍ ലഭിക്കും.
വിവോ: ഫാബ് ഫോണ്‍ ഫെസ്റ്റ് വിവോ സ്മാര്‍ട്ട്‌ഫോണുകളില്‍ 30% വരെ ഡിസ്‌ക്കൗണ്ട് നല്‍കും, കൂടാതെ 5,000 രൂപ വരെ അധിക ഓഫറും ബാങ്ക് ഓഫറുകളോടൊപ്പം 2,000 രൂപയും എക്‌സ്‌ചേഞ്ചും ലഭിക്കും.
ഓപ്പോ: വില്‍പനയ്ക്കിടെ ഓപ്പോ സ്മാര്‍ട്ട്‌ഫോണുകളില്‍ 35% കിഴിവ് വാഗ്ദാനം ചെയ്യുന്നു, ഒപ്പം 12 മാസം വരെ നോകോസ്റ്റ് ഇഎംഐയും.
സ്മാര്‍ട്ട്‌ഫോണുകള്‍ കൂടാതെ, പവര്‍ ബാങ്കുകള്‍, ഹെഡ്‌സെറ്റുകള്‍ എന്നിവയും അതിലേറെയും ഉള്‍പ്പെടെയുള്ള മൊബൈല്‍ ആക്‌സസറികളില്‍ ഡിസ്‌കൗണ്ട് ഉപഭോക്താക്കള്‍ക്ക് ലഭിക്കും. ആമസോണ്‍ വില്‍പ്പന 2021 മാര്‍ച്ച് 25 വരെ നീണ്ടുനില്‍ക്കും.