Realme 9 : റിയല്മി 9 4ജി ഇന്ത്യയില് ഏപ്രില് 7ന് ഇന്ത്യയില് എത്തും
Synopsis
കഴിഞ്ഞ ശനിയാഴ്ചയാണ് റിയല്മി ഇത് സംബന്ധിച്ച് ട്വീറ്റ് ചെയ്തത്. ഏപ്രില് 7ന് ഉച്ചയ്ക്ക് 12.30 ന് വെര്ച്വല് ഈവന്റായാണ് ഈ ഫോണ് പുറത്തിറക്കുന്നത്.
ദില്ലി: റിയല്മി 9 4ജി ഇന്ത്യയില് ഏപ്രില് 7ന് പുറത്തിറങ്ങുമെന്ന് റിയല്മി വ്യക്തമാക്കി. റിയല്മി 9 സീരിസിലെ ഏറ്റവും പുതിയ ഫോണ് ആയിരിക്കും ഇത്. നേരത്തെ ഇതിന്റെ 5ജി പതിപ്പ് അടക്കം റിയല്മി ഇറക്കിയിട്ടുണ്ട്. 108 മെഗാപിക്സൽ 'പ്രോലൈറ്റ്' ക്യാമറ അടക്കം പ്രത്യേകതകളുമായാണ് ഈ ഫോണ് എത്തുന്നത്.
കഴിഞ്ഞ ശനിയാഴ്ചയാണ് റിയല്മി ഇത് സംബന്ധിച്ച് ട്വീറ്റ് ചെയ്തത്. ഏപ്രില് 7ന് ഉച്ചയ്ക്ക് 12.30 ന് വെര്ച്വല് ഈവന്റായാണ് ഈ ഫോണ് പുറത്തിറക്കുന്നത്. ഇതിന്റെ ലൈവ് ഈവന്റ് റിയല്മിയുടെ യൂട്യൂബ്, ഫേസ്ബുക്ക് അക്കൌണ്ടുകളില് ലൈവായി ഇത് ഉണ്ടാകും.
മുൻ റിപ്പോർട്ടുകൾ പ്രകാരം, ഇന്ത്യയിൽ വരാനിരിക്കുന്ന റിയല്മി 9 4ജിയുടെ വില 15,000 ത്തില് താഴെയായിരിക്കും. മെറ്റിയോർ ബ്ലാക്ക്, സൺബർസ്റ്റ് ഗോൾഡ്, സ്റ്റാർഗേസ് വൈറ്റ് എന്നീ കളർ ഓപ്ഷനുകളിൽ സ്മാർട്ട്ഫോൺ അവതരിപ്പിക്കുമെന്നാണ് വിവരം. എന്നിരുന്നാലും, എന്നാല് ഇതിലൊന്നും ഔദ്യോഗികമായി സ്ഥിരീകരണം റിയല്മി തന്നിട്ടില്ല.
റിയല്മി 9 4ജി സ്മാർട്ട്ഫോണില് 108 മെഗാപിക്സൽ 'പ്രോലൈറ്റ്' ക്യാമറ ഉണ്ടാകുമെന്ന് സ്ഥിരീകരിക്കപ്പെട്ടിട്ടുണ്ട്. സാംസങ് ഇസോസെല് ( ISOCELL HM6) ഇമേജ് സെൻസറാണ് റിയല്മി 9 4ജിയുടെ പ്രധാന പ്രത്യേകത. 144Hz റിഫ്രഷ് റേറ്റ് ഉള്ള 6.6-ഇഞ്ച് ഐപിഎസ് എല്സിഡി ഡിസ്പ്ലേയാണ് ഈ ഫോണിന് ഉണ്ടാകുക.