സച്ചിന് പുറത്ത്; എക്കാലത്തേയും മികച്ച ഐപിഎല് ടീമിനെ തെരഞ്ഞെടുത്ത് ഡിവില്ലിയേഴ്സ്
First Published Apr 2, 2021, 11:47 AM ISTഇന്ത്യന് പ്രീമിയര് ലീഗില് തന്റെ എക്കാലത്തേയും മികച്ച ഡ്രീം ഇലവനെ പ്രഖ്യാപിച്ച് റോയല് ചലഞ്ചേഴ്സ് ബാംഗ്ലൂര് താരം എ ബി ഡിവില്ലിയേഴ്സ്. എബിഡി ഇലവന്റെ ക്യാപ്റ്റന് എം എസ് ധോണിയാണ്. ബെന് സ്റ്റോക്സ്, കാഗിസോ റബാഡ, റാഷിദ് ഖാന് എന്നിവരാകും വിദേശതാരങ്ങളായി എത്തുക. നാലാം നമ്പറില് സ്വന്തം പേരും ഡിവില്ലിയേഴ്സ് ചേര്ത്തിട്ടുണ്ട്.
വെടിക്കെട്ടോടെ ഇന്നിംഗ്സ് തുടങ്ങാനാണ് ഡിവില്ലിയേഴ്സിന് താല്പര്യം. അതിനാല് തന്നെ ഓപ്പണര്മാരായി എത്തുന്നത് മുന് ഇന്ത്യന് താരം വീരേന്ദര് സെവാഗും മുംബൈ നായകന് രോഹിത് ശര്മയും. മൂന്നാമന് ആര്സിബി ക്യാപ്റ്റന് വിരാട് കോലി. നാലാം സ്ഥാനത്ത് തന്റെ പേര് എഴുതിയിരിക്കുന്നു ഡിവില്ലിയേഴ്സ്. കെയ്ന് വില്യംസണും സ്റ്റീവ് സ്മിത്തും ഈ സ്ഥാനത്തിന് യോജിച്ചതാണെന്നും ഡിവില്ലിയേഴ്സിന് അഭിപ്രായമുണ്ട്.
അഞ്ചും ആറും സ്ഥാനങ്ങളില് രാജസ്ഥാന് റോയല്സിന്റെ ഇംഗ്ലണ്ട് ഓള് റൗണ്ടര് ബെന് സ്റ്റോക്സും ചെന്നൈ സൂപ്പര് കിംഗ്സ് നായകന് എംഎസ് ധോണിയും. ധോണിയാണ് ക്യാപ്റ്റന്. രവീന്ദ്ര ജഡേജയും റാഷിദ് ഖാനും പിന്നാലെ. ജസ്പ്രീത് ബുംറ, ഭുവനേശ്വര് കുമാര്, കാഗിസോ റബാദ എന്നിവരാണ് പേസര്മാരായി എത്തുക.