പിഴച്ചത് ഫിനിഷര്‍മാര്‍ക്കെന്ന്... ശകാരവുമായി ട്രോളന്മാര്‍
First Published Jul 1, 2019, 10:02 AM ISTബിര്‍മിംഗ്ഹാം: ലോകകപ്പിലെ കരുത്തന്മാരുടെ പോരാട്ടത്തില്‍ ഇംഗ്ലണ്ടിന്‍റെ 337 റണ്‍സിനെതിരെ പോരാടി 31 റണ്‍സിന് പരാജയം സമ്മതിച്ച ടീം ഇന്ത്യയ്ക്കെതിരെ രൂക്ഷമായി പ്രതികരിച്ച് ട്രോളന്മാര്‍ രംഗത്ത്. ലോകകപ്പ് പോരാട്ടങ്ങള്‍ സെമിയിലേക്ക് കടക്കുമ്പോള്‍ ആരൊക്കെ സെമി ലൈനപ്പില്‍ കാണുമെന്ന കണക്കുകൂട്ടലും കിഴിക്കലും ഒരു വശത്ത് നടക്കുമ്പോള്‍ ധോണിക്കും കേദാര്‍ ജാദവിനുമെതിരെ രൂക്ഷ വിമര്‍ശനമാണ് ഉയരുന്നത്. അവസാന ഓവറുകളിലെ ഇരുവരുടെയും സിംഗിള്‍ സ്കോറിങ്ങ്, കളി ഇന്ത്യയുടെ കൈയില്‍ നിന്നും വഴുതാന്‍ കാരണമായെന്ന ആരോപണമാണ് ഉയരുന്നത്. എന്നാല്‍ ധോണിയുടെ 31 പന്തില്‍ 42 റണ്‍സെന്ന കണക്കുയര്‍ത്തി പ്രതിരോധിക്കാനും ഫാന്‍സുകാര്‍ ശ്രമിക്കുന്നു. പുതിയ ഇന്ത്യന്‍ ജേഴ്സിയെവരെ തോല്‍വിയുടെ പേരില്‍ പഴിക്കുന്നവരുണ്ട്. ഇന്ത്യയുടെ തോല്‍വിക്കിടെ മുങ്ങിപ്പോയ രോഹിത്ത് ശര്‍മ്മയുടെ സ്വഞ്ചറിയും ഷമിയുടെ ( 10 ഓവര്‍ 69 റണ്‍സിന് 5 വിക്കറ്റ് ) പ്രകടനവും ട്രോളന്മാര്‍ ആഘോഷിക്കുന്നുമുണ്ട്. പവര്‍പ്ലെയില്‍ 28 റണ്‍സ് മാത്രമാണ് ഇന്ത്യ നേടിയത്.