ടി20 ലോകകപ്പ്: നോബോളല്ലേ...ഉറങ്ങുവാണോ അംപയര്‍? കെ എല്‍ രാഹുലിന്‍റെ ഔട്ടില്‍ ആഞ്ഞടിച്ച് ആരാധകര്‍
First Published Oct 25, 2021, 2:06 PM ISTദുബായ്: ടി20 ലോകകപ്പിലെ(T20 World Cup 2021) തീപാറും പോരാട്ടത്തില്‍ പാകിസ്ഥാനോട്(Pakistan) ഇന്ത്യ(Team India) 10 വിക്കറ്റിന്‍റെ തോല്‍വി വഴങ്ങിയതിന് മുന്‍നിരയുടെ ബാറ്റിംഗ് പരാജയമായിരുന്നു ഒരു പ്രധാന കാരണം. പാക് പേസര്‍ ഷഹീന്‍ അഫ്രീദിക്ക്(Shaheen Afridi) മുന്നില്‍ ഓപ്പണര്‍മാരായ രോഹിത് ശര്‍മ്മയും(Rohit Sharma) കെ എല്‍ രാഹുലും(KL Rahul) 2.1 ഓവറുകള്‍ക്കിടെ വീണു. ഇരു വിക്കറ്റും ഇന്ത്യക്ക് കനത്ത ആഘാതവും സമ്മര്‍ദവുമാണ് നല്‍കിയത്. എന്നാല്‍ രാഹുല്‍ പുറത്തായത് നോബോളിലാണ് എന്നാണ് ഉയരുന്ന വാദം. മത്സരത്തിന്‍റെ സ്‌ക്രീന്‍ഷോട്ടുകള്‍ സഹിതം വലിയ വിമര്‍ശനം അംപയറിംഗിനെതിരെ ഉന്നയിക്കുകയാണ് ആരാധകര്‍. അംപയര്‍ ഉറങ്ങുകയാണോ എന്നാണ് ആരാധകരുടെ പ്രധാന ചോദ്യം.