കൊവിഡ് പ്രതിസന്ധിക്കിടെ ഒരു മലയാള സിനിമ കൂടി പൂര്ത്തിയായി; 'ആനന്ദക്കല്യാണം' വരുന്നു
First Published Sep 18, 2020, 6:17 PM ISTകൊവിഡ് പ്രതിസന്ധിയില് ഉലഞ്ഞുപോയെങ്കിലും കീഴടങ്ങാന് ഒരുക്കമല്ലായിരുന്നു സിനിമാലോകം. ലോക്ക് ഡൗണില് ഇളവുകള് വന്ന മുറയ്ക്ക് കര്ശന നിബന്ധനകളോടെ ചിത്രീകരണങ്ങള് ആരംഭിക്കുകയും പുതിയ സിനിമകള് പ്രഖ്യാപിക്കപ്പെടുകയും ചെയ്തിട്ടുണ്ട്. ഇപ്പോഴിതാ ഒരു മലയാള സിനിമ കൂടി ജോലികള് പൂര്ത്തിയാക്കി തയ്യാറായിവരുന്നു. നവാഗതനായ പി സി സുധീര് രചനയും സംവിധാനവും നിര്വ്വഹിക്കുന്ന 'ആനന്ദക്കല്യാണം' എന്ന ചിത്രമാണിത്. ഭൂരിഭാഗം ചിത്രീകരണവും ലോക്ക് ഡൗണിന് മുന്പ് നടത്തിയിരുന്നു ചിത്രത്തിന്റെ അവശേഷിക്കുന്ന ഭാഗങ്ങള് ഈയിടെയാണ് പൂര്ത്തിയാക്കിയത്. പോസ്റ്റ് പ്രൊഡക്ഷന് ജോലികള് നടന്നതും ലോക്ക് ഡൗണ് കാലയളവില്ത്തന്നെ.