വംശവെറിയില് വെടിയേറ്റ് വീഴുന്ന അമേരിക്ക
Published : Aug 28, 2020, 02:05 PM IST
കൊവിഡ് 19 വൈറസിന്റെ വ്യാപനത്തിനിടെയിലും അമേരിക്കയില് വംശീയാക്രമണങ്ങള് വീണ്ടും ശക്തിപ്രാപിക്കുന്നു. കോളോണിയല് കാലഘട്ടത്തില് ആഫ്രിക്കയില് നിന്നും അടിമകളായെത്തിച്ച കറുത്ത വര്ഗ്ഗക്കാര്ക്ക് നേരെയുണ്ടായിരുന്ന വംശീയാക്രമണങ്ങളെ അനുസ്മരിപ്പിക്കുന്ന തരത്തിലുള്ള അക്രമണങ്ങളാണ് ഇന്ന് യുഎസ്എയില് അരങ്ങേറിക്കൊണ്ടിരിക്കുന്നത്. ഈ വര്ഷം മെയ് 25 വെള്ളക്കാരനായ മിനിയോപൊളിസ് പൊലീസ് ഉദ്യോഗസ്ഥനായ ഡെറിക് ചൗവിന് കാല്മുട്ട് കൊണ്ട് ശ്വാസം മുട്ടിച്ച് കൊന്ന ആഫോ-അമേരിക്കന് വംശജനായ ജോര്ജ് ഫ്ലോയിഡിന്റെ കൊലപാതകത്തോടെയാണ് അമേരിക്കയില് വീണ്ടും വംശീയ ആക്രമണങ്ങള് ശക്തമാകുന്നത്. ജോര്ജ് ഫ്ലോയിഡിന്റെ മരണത്തോടെ അമേരിക്കയിലും യൂറോപിലും ശക്തമായ പ്രതിഷേധങ്ങള് ഉയര്ന്നു. അടിമത്വത്തെ പിന്തുണച്ചിരുന്ന മണ്മറഞ്ഞ പല ദേശീയ നേതാക്കളുടെയും (National Heros) പൊതുനിരത്തിലെ പ്രതിമകള് വരെ ഇക്കാലത്ത് അക്രമിക്കപ്പെട്ടു. അടിമത്വത്തെ പിന്തുണയ്ക്കുന്നവര് മനുഷ്യത്വരഹിതമായ ആശയത്തിന്റെ വക്താക്കളാണെന്നായിരുന്നു പ്രതിഷേധക്കാരുടെ ആരോപണം. തുടര്ന്ന് നടന്ന പല പ്രതിഷേധങ്ങള്ക്ക് നേരെയും വെടിവെപ്പും കാറോടിച്ച് കയറ്റിയുമുള്ള അക്രമണങ്ങള് തുടര്ന്നു. ഏറ്റവും ഒടുവിലായി കഴിഞ്ഞ ദിവസം യുഎസിലെ കെനോഷയില് ഒരു 17 കാരന് പ്രതിഷേധങ്ങള്ക്ക് നേരെ നിരയൊഴിച്ചു. ഈ അക്രമണത്തില് Black Lives Matter പ്രവര്ത്തകരായ രണ്ട് പേര് കൊല്ലപ്പെട്ടു. ഒരാള്ക്ക് പരിക്കേറ്റു.
131
ജോര്ജ് ഫ്ലോയിഡിന്റെ കൊലപാതകത്തിന് പുറകേ അമേരിക്കയിലും യൂറോപിലും ഉയര്ന്ന Black Lives Matter പ്രതിഷേധങ്ങളെ തുടര്ന്ന് അമേരിക്കയിലെമ്പാടും കറുത്തവര്ഗ്ഗക്കാര്ക്ക് നേരെ പൊലീസിന്റെയും വംശീയവെറിക്കാരുടെയും നിരവധി അക്രമണങ്ങള് അരങ്ങേറി.
ജോര്ജ് ഫ്ലോയിഡിന്റെ കൊലപാതകത്തിന് പുറകേ അമേരിക്കയിലും യൂറോപിലും ഉയര്ന്ന Black Lives Matter പ്രതിഷേധങ്ങളെ തുടര്ന്ന് അമേരിക്കയിലെമ്പാടും കറുത്തവര്ഗ്ഗക്കാര്ക്ക് നേരെ പൊലീസിന്റെയും വംശീയവെറിക്കാരുടെയും നിരവധി അക്രമണങ്ങള് അരങ്ങേറി.
click me!