സ്വാതന്ത്ര്യത്തിനായി മാർച്ച് നടത്താന് ബെലാറൂസ് ജനത
നീണ്ട 26 വര്ഷത്തെ ഭരണത്തിനൊടുവില് ജനങ്ങളുടെ പ്രതിഷേധം ശക്തമായ വേളയിലായിരുന്നു റഷ്യയുടെ അയല്രാജ്യമായ ബെലാറൂസില് ഇത്തവണത്തെ തെരഞ്ഞെടുപ്പ് നടന്നത്. എന്നാല് എല്ലാ നിരീക്ഷണങ്ങളെയും അട്ടിമറിച്ച് ഓഗസ്റ്റ് 9 ലെ തെരഞ്ഞെടുപ്പിൽ പ്രസിഡന്റായി അലക്സാണ്ടർ ലുകാഷെങ്കോ വീണ്ടും തെരഞ്ഞെടുക്കപ്പെട്ടു. അലക്സാണ്ടർ ലുകാഷെങ്കോയുടെ വിജയപ്രഖ്യാപനം മുതല് ബെലാറൂസില് ജനങ്ങള് തെരുവിലാണ്. ജനങ്ങളെ നേരിടാന് സൈന്യത്തെ തന്നെയാണ് പ്രസിഡന്റ് രംഗത്തിറക്കിയിരിക്കുന്നത്. സത്യസന്ധമായ വാര്ത്തകള് പുറത്ത് വിടാത്തതിനാല് ജനങ്ങള് രാജ്യത്തെ ടെലിവിഷന് ചാനലിന്റെ മുന്നിലും പ്രതിഷേധമുയര്ത്തി. പ്രകടനത്തില് പരിക്കേറ്റവരെ കുറിച്ച് പൂർണ്ണമായ വിവരങ്ങൾ നൽകണമെന്ന് ആവശ്യപ്പെട്ട് ആയിരക്കണക്കിന് പേര് ശനിയാഴ്ച ദേശീയ ചാനലിന് മുന്നില് തടിച്ചുകൂടി. കഴിഞ്ഞയാഴ്ച നടന്ന തെരഞ്ഞെടുപ്പിൽ പ്രസിഡന്റ് അലക്സാണ്ടർ ലുകാഷെങ്കോ തകർപ്പൻ വിജയം നേടിയതിനെത്തുടർന്നുണ്ടായ അസ്വസ്ഥതയില് നിന്നാണ് ജനങ്ങള് തെരുവുകള് കൈയടക്കിത്തുടങ്ങിയത്. രാജ്യത്ത് നടന്ന പ്രസിഡന്റ് തെരഞ്ഞെടുപ്പ് അട്ടിമറിക്കപ്പെട്ടെന്ന് ജനങ്ങള് ആരോപിച്ചു. 26 വർഷമായി അധികാരത്തിലിരിക്കുന്ന ലുകാഷെങ്കോ ഓഗസ്റ്റ് 9 ന് നടന്ന തെരഞ്ഞെടുപ്പില് വിജയം മോഷ്ടിക്കുകയായിരുന്നുവെന്നാണ് പ്രധാന പ്രതിപക്ഷ ആരോപണം. പ്രതിഷേധത്തിൽ നിരവധി പോലീസുകാരുള്പ്പെടെ നൂറുകണക്കിന് ആളുകൾക്ക് പരിക്കേറ്റു.
136
1994 മുതൽ അധികാരത്തിലിരിക്കുന്ന ലുകാഷെങ്കോ 80.1 ശതമാനം വോട്ടും പ്രധാന പ്രതിപക്ഷ സ്ഥാനാർത്ഥി സ്വെറ്റ്ലാന തിഖനോവ്സ്കായ 10.12 ശതമാനവും നേടിയെന്നാണ് സര്ക്കാര് പുറത്ത് വിട്ട തെരഞ്ഞെടുപ്പ് ഫലം.
1994 മുതൽ അധികാരത്തിലിരിക്കുന്ന ലുകാഷെങ്കോ 80.1 ശതമാനം വോട്ടും പ്രധാന പ്രതിപക്ഷ സ്ഥാനാർത്ഥി സ്വെറ്റ്ലാന തിഖനോവ്സ്കായ 10.12 ശതമാനവും നേടിയെന്നാണ് സര്ക്കാര് പുറത്ത് വിട്ട തെരഞ്ഞെടുപ്പ് ഫലം.
ഇന്ത്യയിലെയും ലോകമെമ്പാടുമുള്ള എല്ലാ International News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam Live News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam
click me!