കൊവിഡ് 19; മഹാമാരിക്കാലത്തെ ശ്മശാന കാഴ്ചകള്
First Published Apr 4, 2020, 12:21 PM IST
മരണം ഒരു സുനാമി പോലെ ആഞ്ഞടിക്കുന്നിടത്താണ് മനുഷ്യന് മഹാമാരികളെ ഭയക്കാന് തുടങ്ങിയത്. നൂറ്റാണ്ടിലെരു മഹാമാരി, മനുഷ്യരെ തേടിയെത്തിരിരുന്നുവെന്നത് ചരിത്രം. ഇന്ന് കൊവിഡ് 19 എന്ന പേരില് ചൈനയിലെ ഹുവാന് നഗരത്തില് തുടങ്ങി ലോകമെങ്ങും ഭീഷണമായ രീതിയില് വ്യാപിച്ചുകൊണ്ടിരിക്കുകയാണ് പുതിയ മഹാമാരി. ഒരോ ദിവസവും എന്തിന് ഓരോ മണിക്കൂറും മരിച്ചു വീഴുന്നവരുടെ എണ്ണത്തില് വര്ദ്ധനവാണ് ഇപ്പോഴും രേഖപ്പെടുത്തികൊണ്ടിരിക്കുന്നത്. ഇതുവരെയായി 59,197 പേരാണ് ലോകം മൊത്തം കൊറോണാ വൈറസ് ബാധമൂലം മരിച്ചതായി രേഖപ്പെടുത്തിയത്. മരണ സംഖ്യ ഇനിയും ഉയരുമെന്നാണ് വിദഗ്ദാഭിപ്രായവും.
മരണാനന്തര ജീവിതത്തിനായി, ജീവിച്ചിരിക്കുന്ന മനുഷ്യന് സൃഷ്ടിച്ച എല്ലാ ആചാരാനുഷ്ഠാനങ്ങളും മഹാമാരിയുടെ കാലത്ത് അപ്രസക്തമാകുന്നു, പ്രത്യേകിച്ച് പകര്ച്ചവ്യാധിമൂലമുള്ള മരണസമയത്ത്. പ്രത്യേകിച്ച് ആരോഗ്യവകുപ്പിന്റെ നിര്ദ്ദേശപ്രകാരം മാത്രമേ മൃതദേഹം അടക്കം ചെയ്യാന് പാടുള്ളൂവെന്ന സര്ക്കാര് നിര്ദ്ദേശം നിലനില്ക്കെ. ചിത്രങ്ങള് : ഗെറ്റി