പാംഗോങ് തടാക തീരത്തെ ടെന്റുകളും ഹെലിപ്പാടും പൊളിച്ച് നീക്കി ചൈനീസ് പിന്മാറ്റം
First Published Feb 16, 2021, 3:25 PM ISTഒമ്പത് മാസത്തെ അസ്വാസ്ഥ്യങ്ങള്ക്ക് അറുതിവരുത്തി പാംഗോങ് തടാകത്തിന്റെ വടക്കന് ഭാഗത്ത് നിന്ന് ചൈനീസ് സൈന്യം പിന്മാറി തുടങ്ങി. ഒമ്പത് മാസത്തിനിടെ ഒമ്പത് തവണയാണ് ഇന്ത്യയുടെ ചൈനയും സൈനീക തലത്തില് സേനാ പിന്മാറ്റത്തെ കുറിച്ച് ചര്ച്ച നടത്തിയത്. ഇടയ്ക്ക് ഇരുസൈനീകരും തമ്മില് നേര്ക്ക് നേരെ സംങ്കര്ഷം വരെ ഉടലെടുത്തിരുന്നു. എന്നാല്, നീണ്ട ചര്ച്ചകളിലൂടെ പ്രശ്ന പരിഹാരം കണ്ടെത്തിയിരിക്കുകയാണ്. ചര്ച്ചയില് ഇന്ത്യ മുന്നോട്ട് വച്ച നിര്ദ്ദേശങ്ങള് അംഗീകരിച്ചുകൊണ്ടുള്ള പിന്മാറ്റമാണ് ഇപ്പോള് ചൈന നടത്തുന്നതെന്നാണ് പുറത്ത് വരുന്ന റിപ്പോര്ട്ടുകള്.