മരണത്തെ മുഖാമുഖം കണ്ട് മൃഗരാജന്; രാജ്യം സാമ്പത്തിക പ്രതിസന്ധിയിലെന്ന് പാര്ക്ക് അധികൃതര്
First Published Jan 22, 2020, 10:43 AM ISTമനുഷ്യന്, ഭൂമിയുടെ അധികാരം സ്വയം ഏറ്റെടുത്തത് മുതല് മറ്റ് ജീവജാലങ്ങള്ക്ക് അവരുടെതായ വന്യജീവിതം നഷ്ടമായി. വനത്തില് മറ്റൊരു മൃഗമായി ജീവിച്ച മനുഷ്യന്, കൃഷിയാരംഭിക്കുകയും ഭക്ഷണം സൂക്ഷിച്ച് വച്ച് കഴിക്കാന് പരിശീലിക്കുകയും ചെയ്തു. കാലാന്തരത്തില് വനത്തില് ഗ്രാമവും പിന്നെ നഗരവും സൃഷ്ടിക്കപ്പെട്ടു. പതുക്കെ വനം കാടും കാട് മൃഗസംരക്ഷണ കേന്ദ്രങ്ങളെന്ന ഓമനപ്പേരുകളിലേക്കും പരിവര്ത്തനം ചെയ്യപ്പെട്ടപ്പോള്, വനത്തില് സ്വൈരവിഹാരം ചെയ്തിരുന്ന മൃഗങ്ങള് കാഴ്ചബംഗാളുകളിലേ കൂടുകളിലേക്ക് മാറ്റപ്പെട്ടു. മനുഷ്യന് കണ്ടാസ്വദിക്കാനായി ലോകംമൊത്തം കാഴ്ചബംഗ്ലാവുകളുയര്ന്നു.
സുഡാനിലെ കാഴ്ചബംഗാവുകള് ഇന്ന് വലിയ പ്രതിസന്ധിയാണ് നേരിടുന്നത്. രാജ്യം തന്നെ സാമ്പത്തിക പ്രതിസന്ധിയില് ആടിയുലയുമ്പോള് മൃഗങ്ങളെ നോക്കാന് പറ്റുന്നില്ലെന്ന് സുഡാന്റെ തലസ്ഥാനമായ ഖര്തൗമിലെ അല് ഖുറേഷി പാര്ക്കിലെ സൂക്ഷിപ്പുകാരന് പറയുന്നു. നീല നൈല് നദിയുടെയും വെള്ള നൈല് നദിയുടെയും സംഗമസ്ഥാനത്തെ നഗരമാണ് സുഡാന്റെ തലസ്ഥാനമായ ഖര്തൗമി. ഖര്തൗമിയിലെ അല് ഖുറേഷി പാര്ക്കിലെ അന്തേവാസികളായ സിംഹങ്ങള്, പാര്ക്കിലെ മറ്റ് മൃഗങ്ങളെപ്പോലെതന്നെ പട്ടിണിയിലാണ്. കാണാം ആ ദുരന്തക്കാഴ്ചകള്.