യുക്രൈനെതിരെ യുദ്ധം ചെയ്യാന് വിശുദ്ധ ജലവുമായി പുടിന്റെ 'വയസന് പട'
First Published Sep 30, 2022, 2:05 PM ISTയുക്രൈനെതിരെ 'പ്രത്യേക സൈനിക നടപടി'യെന്ന് റഷ്യന് പ്രസിഡന്റ് വ്ളാദിമര് പുടിന് തന്നെ വിശേഷിപ്പിച്ച അധിനിവേശം എട്ടാം മാസത്തിലേക്ക് കടക്കുമ്പോള് കീഴടക്കിയ പ്രദേശങ്ങള് കൂടി നഷ്ടപ്പെടുമെന്ന ഭയത്തിലാണ് ലോകത്തിന്റെ രണ്ടാമത്തെ സൈനിക ശക്തിയെന്നറിയപ്പോടുന്ന റഷ്യന് സേന. വിജയിച്ചല്ലാതെ മടക്കമില്ലെന്ന് റഷ്യന് ഏകാധിപതി പിടി വാശി തുടരുന്നതിനിടെ 3,00,000 പേരടങ്ങുന്ന രാജ്യത്തെ റിസര്വ് സൈനികരുടെ പുതിയ യൂണിറ്റിന്റെ സജ്ജീകരണം തുടങ്ങി. എന്നാല്, ഈ റിസര്വ് സൈനികരില് അധികവും സൈനിക സേവനത്തില് നിന്നും വിരമിച്ച വൃദ്ധരായ സൈനികരാണെന്ന് അവകാശപ്പെട്ട വിദേശ മാധ്യമങ്ങള് പുതിയ റഷ്യന് റിസര്വ് സൈന്യത്തെ പുടിന്റെ 'ഡാഡ്സ് ആര്മി' എന്നാണ് വിശേഷിപ്പിച്ചിരിക്കുന്നത്. നിലവില് ആരോഗ്യ പ്രശ്നങ്ങളുള്ള നിരവധി പേര്, പ്രത്യേകിച്ചും 60 തിനും 65 ഇടയ്ക്ക് പ്രായമുള്ളവരാണ് പുതിയ റിസര്വ് ബറ്റാലിയന്റെ ഭാഗമായുള്ളതെന്നും റിപ്പോര്ട്ടുകള് പറയുന്നു.