സ്പ്രിംഗ്ളറോ സി-ഡിറ്റോ; ആരാ ശരിക്കും മൊതലാളി ? കാണാം സ്പ്രിംഗ്ളര് ട്രോളുകള്
First Published May 23, 2020, 1:39 PM ISTകൊറോണാ വൈറസ് ബാധയെ നേരിടുന്നതില് ലോക ശ്രദ്ധനേടിയ സംസ്ഥാനമാണ് കേരളം. ഒരു രാജ്യമെന്ന നിലയില് വൈറസിനെതിരെയുള്ള പോരാട്ടത്തില് ഇന്ത്യ പരാജയപ്പെടുമ്പോഴാണ് വൈറസിനെ വിജയകരമായി പ്രതിരോധിച്ച് നിര്ത്താന് കേരളത്തിനായത്. എന്നാല് ഇടത്പക്ഷ സര്ക്കാര് ഭരിക്കുന്ന കേരളത്തില് കൊറോണാ വൈറസുമായി ബന്ധപ്പെട്ട ഡാറ്റകള് കൈകാര്യം ചെയ്ത രീതി ഏറെ വിമര്ശിക്കപ്പെട്ടു. ഒരു പക്ഷേ കോറോണയല്ല, സ്പ്രിംഗ്ളര് കമ്പനിയാണ് വൈറസ് എന്ന തരത്തില് പോലും ആരോപണ പ്രത്യാരോപണങ്ങള് ഉണ്ടായി. ഡാറ്റയാണ് വിഷയമെന്ന് സ്പ്രിംഗ്ളറിനെ കുറിച്ച് പറഞ്ഞവരെല്ലാം പറഞ്ഞു. ഒടുവില് കോടതി ഇടപെട്ടപ്പോള് സര്ക്കാര്, കൊറോണാ ഡാറ്റ കൈകാര്യം ചെയ്യാനുള്ള കരാര് സ്പ്രിംഗ്ളര് കമ്പനിയില് നിന്ന് പിന്വലിക്കുകയും സി ഡിറ്റിന് നല്കുകയും ചെയ്തു. പക്ഷേ ട്രോളന്മാര് വിട്ടില്ല. അവര് സ്പ്രിംഗ്ളറിന് പുറകേ കൂടി. എല്ലാം ട്രോളന്മാരുമല്ല കേട്ടോ. ചില ട്രോള് ഗ്രൂപ്പുകള് സ്പ്രിംഗ്ളറിനെതിരെ ഇട്ട ട്രോളുകളെല്ലാം വലിക്കുകയും ചെയ്തു. ഓരോരോ താല്പര്യങ്ങളെ. കാണാം സ്പ്രിംഗ്ളര് ട്രോളുകള്.