സിഎസ്കെയില് 'തല'കള് ഉരുളും; ടീമില് നിന്ന് പുറത്താവാന് സാധ്യതയുള്ളവരുടെ പട്ടിക
First Published Oct 22, 2020, 2:53 PM ISTഐപിഎല്ലില് സമനില തെറ്റിയിരിക്കുകയാണ് മുന് ചാമ്പ്യന്മാരായ ചെന്നൈ സൂപ്പര് കിംഗ്സിന്. 'വയസന് പട'യെന്ന വിമര്ശനം തച്ചുതകര്ക്കുന്ന ജയവുമായി മുംബൈ ഇന്ത്യന്സിനെതിരെ സീസണ് തുടങ്ങിയെങ്കിലും പിന്നീടൊന്നും ശോഭനമായില്ല. 10 മത്സരങ്ങളില് മൂന്ന് ജയം മാത്രമുള്ള ധോണിപ്പട ഇപ്പോള് പട്ടികയില് അവസാന സ്ഥാനക്കാരാണ്. അടുത്ത സീസണ് 2021ന്റെ തുടക്കത്തില് നടന്നേക്കും എന്നിരിക്കേ ടീമിന്റെ നെടുംതൂണുകള് ഇളക്കിയുള്ള ചില തീരുമാനങ്ങള് മാനേജ്മെന്റ് കൈക്കൊള്ളാനിടയുണ്ട്. ചെന്നൈയിലെ വന്മീനുകളില് പലരും ടീമിന് പുറത്തേക്ക് തെറിക്കും എന്നാണ് നിഗമനങ്ങള്. ആ പേരുകാര് ആരൊക്കെയെന്ന് നോക്കാം.