അംപയറെ വിരട്ടിയ ധോണിയെ കളിയാക്കിയോ ഹര്‍ഭജന്‍; പ്രതികരണം ചര്‍ച്ചയാവുന്നു
First Published Oct 15, 2020, 4:59 PM ISTദുബായ്: ഐപിഎല്ലില്‍ അംപയറെ കണ്ണുരുട്ടി വിരട്ടിയോ ചെന്നൈ സൂപ്പര്‍ കിംഗ്‌സ് നായകന്‍ എം എസ് ധോണി. സണ്‍റൈസേഴ്‌സ് ഹൈദരാബാദിന് എതിരായ മത്സരത്തില്‍ ഷാര്‍ദുല്‍ ഠാക്കൂറിന്‍റെ പന്തില്‍ വൈഡ് വിളിക്കാനൊരുങ്ങിയ അംപയര്‍ ധോണിയുടെ അപ്പീലിന് മുന്നില്‍ കൈകള്‍ താഴ്‌ത്തുകയായിരുന്നു. സംഭവം വലിയ വിവാദമാവുകയും ധോണിയെ വിമര്‍ശിച്ച് നിരവധി പേര്‍ രംഗത്തെത്തുകയും ചെയ്തു. ധോണിയുടെ പെരുമാറ്റത്തിനോട് പ്രതികരിച്ചിരിക്കുകയാണ് ഹര്‍ഭജന്‍ സിംഗും.