ധോണി 'തല'യില്ലാത്ത നായകന്, അക്സര് ഹീറോ, ജഡേജ ചെണ്ട; ഡല്ഹി- ചെന്നൈ മത്സരത്തിന് ശേഷം ട്രോളുകളില് നിറഞ്ഞത്
കയ്യിലിരുന്ന കളിയാണ് ചെന്നൈ സൂപ്പര് കിംഗ്സ് ഇന്നലെ വിട്ടുകളഞ്ഞത്. ഡല്ഹി കാപിറ്റല്സിനെതിരായ മത്സരത്തില് അഞ്ച് വിക്കറ്റിനായിരുന്നു ചെന്നൈയുടെ തോല്വി. ടോസ് നേടി ബാറ്റിങ്ങിന് ഇറങ്ങിയ ചെന്നൈ നിശ്ചിത ഓവറില് നാല് വിക്കറ്റ് നഷ്ടത്തില് 179 റണ്സ് നേടി. മറുപടി ബാറ്റിങ്ങില് ഒരു പന്ത് ബാക്കി നില്ക്കെ ഡല്ഹി ലക്ഷ്യം കണ്ടു. ശിഖര് ധവാന് 58 പന്തില് പുറത്താവാതെ 101 നേടിയതാണ് ഡല്ഹി ഇന്നിങ്സില് നിര്ണായകമായത്. അക്സര് പട്ടേല് അഞ്ച് പന്തില് 21 പുറത്താവാതെ നിന്നു. അവസാന ഓവറില് 16 റണ്സാണ് ഡല്ഹിക്ക് ജയിക്കാന് വേണ്ടിയിരുന്നത്. എന്നാല് രവീന്ദ്ര ജഡേജയെറിഞ്ഞ അവസാന ഓവറില് മൂന്ന് സിക്സുള് നേടി അക്സര് പട്ടേല് ഡല്ഹിയെ വിജയത്തിലേക്ക് നയിച്ചു. ചെന്നൈയുടെ ഫാസ്റ്റ് ബൗളര് ഡ്വെയ്ന് ബ്രാവോയ്ക്ക് ഓവര് ബാക്കിയുണ്ടായിരുന്നു. എന്നിട്ടും ജഡേജയ്ക്ക് ഓവര് നല്കിയതാണ് ചെന്നൈ തോല്ക്കാന് കാരണമെന്നാണ് വാദം. എന്നാല് ബ്രാവോ പൂര്ണമായും ഫിറ്റല്ലാത്തതുകൊണ്ടാണ് അദ്ദേഹത്തിന് നല്കാതിരുന്നതെന്ന് മത്സരശേഷം ധോണിയും വ്യക്തമാക്കി. എന്നാല് ധോണിക്കെതിരെയും ചെന്നൈ സൂപ്പര് കിംഗ്സിനെതിരേയും ട്രോളുകള് നിറയുകയാണ്. അവസാന ഓവറില് മൂന്നി സിക്സ് വഴങ്ങിയ ജഡേജയേയും വെറുതെ വിട്ടില്ല. അതോടൊപ്പം അക്സര് പട്ടേലിന് ഹീറോ പരിവേഷം നല്കുന്നുമുണ്ട്. ചില പോസ്റ്റുകള് കാണാം...
134
Arun Kumar
Arun Kumar
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!
click me!