കണ്ണുകള്‍ സഞ്ജുവില്‍, ബട്ലര് ഷോയും കൊതിച്ച് ആരാധകര്‍; രാജസ്ഥാന്‍ സാധ്യതാ ടീം
First Published Sep 30, 2020, 3:45 PM ISTദുബായ്: ഐപിഎല്ലില്‍ ഇന്ന് രാജസ്ഥാന്‍ റോയല്‍സ്- കൊല്‍ക്കത്ത നൈറ്റ് റൈഡേഴ്‌സ് പോരാട്ടമാണ്. കളിച്ച രണ്ട് മത്സരങ്ങളിലും ജയവുമായി മൂന്നാം മത്സരത്തിനിറങ്ങുന്ന രാജസ്ഥാന്‍റെ കരുത്ത് മലയാളി താരം സഞ്ജു സാംസണ്‍ ആണ്. രണ്ട് അര്‍ധ സെഞ്ചുറികളുമായി മുന്നേറുന്ന സഞ്ജു ഇന്നും വെടിക്കെട്ട് പുറത്തെടുക്കും എന്ന പ്രതീക്ഷയിലാണ് ആരാധകര്‍. കഴിഞ്ഞ രണ്ട് മത്സരങ്ങളിലേയും മാന്‍ ഓഫ് ദ് മാച്ച് സഞ്ജുവായിരുന്നു. രാത്രി 7.30ന് ദുബായില്‍ നടക്കുന്ന മത്സരത്തിനിറങ്ങുന്ന രാജസ്ഥാന്‍ സാധ്യതാ ഇലവനെ നോക്കാം.