'മണ്ടന്‍ തീരുമാനം'; കെ എല്‍ രാഹുലിനെ റോസ്റ്റ് ചെയ്‌ത് ആരാധകര്‍, വിമര്‍ശിച്ച് മുന്‍താരങ്ങളും
First Published Oct 2, 2020, 10:20 AM ISTഅബുദാബി: ഐപിഎല്‍ പതിമൂന്നാം സീസണില്‍ ഡെത്ത് ഓവറുകളിലെ റണ്ണൊഴുക്ക് കിംഗ്‌സ് ഇലവന്‍ പഞ്ചാബിന് വീണ്ടും തിരിച്ചടിയാകുമ്പോള്‍ നായകന്‍ കെ എല്‍ രാഹുലിന്‍റെ തന്ത്രങ്ങളിലെ വീഴ്‌ച ചര്‍ച്ചയാവുന്നു. മുംബൈ ഇന്ത്യന്‍സിനെതിരെ അവസാന അഞ്ച് ഓവറില്‍ 89 റൺസ് പഞ്ചാബ് വഴങ്ങി. കൂറ്റനടിക്കാരായ കീറോണ്‍ പൊള്ളാര്‍ഡും ഹര്‍ദിക് പാണ്ഡ്യയും ക്രീസില്‍ നില്‍ക്കേ കൃഷ്‌ണപ്പ ഗൗതമിനെ പന്തേല്‍പിച്ച രാഹുലിന്‍റെ പാളിയ തന്ത്രം വലിയ വിമര്‍ശനമാണ് നേരിടുന്നത്. അവസാന ഓവറില്‍ ഗൗതം പന്തെറിയുന്ന കാഴ്‌ച സച്ചിന്‍ ടെന്‍ഡുല്‍ക്കറെ പോലും അമ്പരപ്പിച്ചു.