ഐപിഎല് 2021: രോഹിത്തില്ല, സഞ്ജു വിക്കറ്റ് കീപ്പര്! ചോപ്രയുടെ വ്യത്യസ്തമായ ഐപിഎല് ടീം ഇങ്ങനെ
First Published Oct 11, 2021, 4:11 PM ISTദുബായ്: ഐപിഎല് (IPL 2021) നിലവിലെ ചാംപ്യന്മാരായ മുംബൈ ഇന്ത്യന്സിന്റെ (Mumbai Indians) പുറത്താകലായിരുന്നു ഈ സീസണില് വലിയ ചര്ച്ചയായത്. തുടര്ച്ചയായ രണ്ട് കിരീടങ്ങള് നേടിയ അവര്ക്ക് (MI) ഇത്തവണ ആദ്യ നാലിലെത്താന് കഴിഞ്ഞില്ല. രാജസ്ഥാന് റോയല്സ് (Rajasthan Royals), പഞ്ചാബ് കിംഗ്സ് (Punjab Kings), സണ്റൈസേഴ്സ് ഹൈദരാബാദ് (Sunrisers Hyderabad) എന്നിവരാണ് പുറത്തായ മറ്റു ടീമുകള്. ഈ നാല് ടീമുകളിലെ താരങ്ങളെ ഉള്പ്പെടുത്തി ഒരു ടീം ഉണ്ടാക്കിയിരിക്കുകയാണ് മുന് ഇന്ത്യന് താരം ആകാശ് ചോപ്ര (Aakash Chopra). രാജസ്ഥാന് റോയല്സിന്റെ മലയാളി ക്യാപ്റ്റന് സഞ്ജു സാംസണ് (Sanju Samson) ടീമിലിടം നേടി. മുംബൈ ക്യാപ്റ്റന് രോഹിത് ശര്മ, ഓപ്പണര് ഇഷാന് കിഷന്, ഹൈദരാബാദ് ക്യാപ്റ്റന് കെയ്ന് വില്യംസണ്, പേസര് ഭുവനേശ്വര് കുമാര് എന്നിവര്ക്ക് ടീമിലിടം നേടാന് കഴിഞ്ഞില്ല.