ഐപിഎല് 2021: കലാശപ്പോരില് മലയാളിപ്പരുമ; ചെന്നൈ ജേഴ്സിയില് രണ്ട് താരങ്ങള്, കൊല്ക്കത്തയില് മൂന്ന്!
Published : Oct 15, 2021, 01:09 PM IST
ഐപിഎല് (IPL 2021) ഫൈനലില് കളിക്കുന്ന രണ്ട് ടീമുകളിലായി അഞ്ച് മലയാളി താരങ്ങളുണ്ട്. ഇവരില് രണ്ട് പേര് അന്തിമ ഇലവനില് എത്തുമെന്ന് ഉറപ്പാണ്. ചെന്നൈ സൂപ്പര് കിംഗ്സില് (Chennai Super Kings) റോബിന് ഉത്തപ്പ (Robin Uthappa), കെ എം ആസിഫ് (KM Asif) എന്നിവരാണ് മലയാളികള്. കൊല്ക്കത്ത നൈറ്റ് റൈഡേഴ്സില് (Kolkata Knight Riders) വരുണ് ചക്രവര്ത്തി (Varun Chakravarthy), സന്ദീപ് വാര്യര് (Sandeep Warrier), കരുണ് നായര് (Karun Nair) എന്നിവരാണ് മലയാലികള്.
15
റോബിന് ഉത്തപ്പ
കൊല്ക്കത്ത അവസാനം ഐപിഎല് കിരീടം നേടിയ 2014 സീസണിലെ റണ്വേട്ടയില് ഒന്നാമനായിരുന്നു ഉത്തപ്പ. ഇത്തവണ സുരേഷ് റെയ്ന ഫോമില് എത്താതിരുന്നതോടെയാണ് ഉത്തപ്പയ്ക്ക് ചെന്നൈ ടീമില് അവസരം ലഭിച്ചത്. ഡല്ഹിക്കെതിരായ ക്വാളിഫയറില് 44 പന്തില് 63 റണ്സെടുത്ത ഉത്തപ്പ ധോണിയുടെ വിശ്വാസം കാത്തു. 2014ലെ ഫൈനലില് കൊല്ക്കത്തയ്ക്കായി ഒപ്പം കളിച്ച സുനില് നരെയ്ന്, ഷാക്കിബ് അല് ഹസ്സന് എന്നിവരാകും ഉത്തപ്പയ്ക്ക് ഇന്ന് പ്രധാനമായും വെല്ലുവിളി ഉയര്ത്തുക.
click me!