'അയ്യോ.. തെരഞ്ഞെടുപ്പ്... എന്റെ സ്വസ്ഥത പോയല്ലോ... !'; കാണാം ഉപതെരഞ്ഞെടുപ്പ് ട്രോളുകള്
First Published Sep 30, 2019, 11:24 AM ISTവീണ്ടും തെരഞ്ഞെടുപ്പ് കാലമാണ്. കേരളത്തില് ഒഴിവുവന്ന മണ്ഡലങ്ങളില് ഉപതെരഞ്ഞെടുപ്പ് നടക്കുകയാണ്. പാലയിലെ ആദ്യതെരഞ്ഞെടുപ്പില് വീണ്ടും മാണി തന്നെ വിജയിച്ചു. പക്ഷേ ഇത്തവണ ഒരു മാറ്റമുണ്ടെന്ന് മാത്രം. കേരളാ കോണ്ഗ്രസിന്റെ കെ എം മാണിക്ക് പകരം ജയിച്ചത് ഇടതുപക്ഷ പിന്തുണയോടെ നിന്ന എന്സിപി സ്ഥാനാര്ത്ഥി മാണി സി കാപ്പനാണെന്ന് മാത്രം. പാലയിലെ കണക്ക്, കൂട്ടിയും കിഴിച്ചും കഴിയും മുന്നേ വട്ടിയൂര്ക്കാവും കോന്നിയും മഞ്ചേശ്വരവും അരൂരും എറണാകുളവും ഉപതെരഞ്ഞെടുപ്പ് ചൂടിലേക്ക് കടന്നു. തെരഞ്ഞെടുപ്പ് സ്ഥാനാര്ത്ഥി നിര്ണ്ണയ വേളയിലെ ചേരിതിരിഞ്ഞുള്ള തര്ക്കത്തിനും സ്ഥാനാര്ത്ഥി മോഹികള്ക്കും ഇത്തവണയും കുറവൊന്നും വന്നിട്ടില്ല. അതോടൊപ്പം ഉത്തരേന്ത്യയില് തെരഞ്ഞെടുപ്പ് വന്നാല് ശ്രീരാമന് സ്വസ്ഥതയില്ലെന്ന് പറയും പോലെ ഇപ്പോള് കേരളത്തില് തെരഞ്ഞെടുപ്പ് പ്രഖ്യാപിച്ചാല് അയ്യപ്പന് സ്വസ്ഥതയില്ലാതായെന്ന് ട്രോളന്മര്. അതുപോലെതന്നെയാണ് സ്ഥാനാര്ത്ഥിയെ കാണുമ്പോള് ഓടിയൊളിക്കുന്ന ട്രക്ക് ഡ്രൈവര്മാരുടെ അവസ്ഥയും. കാണാം കേരളത്തിലെ ഉപതെരഞ്ഞെടുപ്പ ട്രോളുകള്.