കേരളം: ഏറ്റവും പുതിയ വാർത്തകളും വിശകലനങ്ങളും

സംഭവ സ്ഥലത്തെ സിസിടിവി ദൃശ്യങ്ങളിൽ നിന്ന് വിദ്യാർത്ഥികളാണ് വാഹനം മോഷ്ടിച്ചതെന്ന് വ്യക്തമായതായി പൊലീസ്. വിദ്യാർത്ഥികളെ തിരിച്ചറിഞ്ഞതായും കല്ലമ്പലം പൊലീസ് വ്യക്തമാക്കി. കുട്ടികൾക്കും വാഹനത്തിനുമായി തിരച്ചിൽ ഊർജ്ജിതമാക്കി. 

ശനിയാഴ്ച നടന്ന തിരഞ്ഞെടുപ്പിൽ യു.ഡി.എഫ് പ്രസിഡൻറ് സ്ഥാനാർത്ഥിയായ ഷാനവാസിനെ പിന്താങ്ങിയിരുന്ന ജാഫർ, അവസാന നിമിഷം വോട്ട് മാറ്റി എൽഡിഎഫിന് വോട്ട് നൽകുകയായിരുന്നു

തൃശൂർ കൊറ്റനല്ലൂരിൽ വീടിന് സമീപം ചപ്പുചവറുകൾക്ക് തീയിടുന്നതിനിടെ പൊള്ളലേറ്റ മുൻ പഞ്ചായത്തംഗം മരിച്ചു. പുല്ലൂക്കര ഇട്ട്യേര മകന്‍ ജോസ് (74) ആണ് മരിച്ചത്. കാൽ തെന്നി തീയിലേക്ക് വീഴുകയായിരുന്നു, ആശുപത്രിയിൽ ചികിത്സയിലിരിക്കെയാണ് അന്ത്യം.

സ്ഥാനാർത്ഥിയുടെ മരണത്തെ തുടർന്ന് മാറ്റിവച്ച തിരുവനന്തപുരം കോർപ്പറേഷനിലെ വിഴിഞ്ഞം വാർഡിൽ 9 പേർ മത്സരരംഗത്ത്. കേവല ഭൂരിപക്ഷം നേടാൻ ബിജെപിക്കും, സിറ്റിംഗ് സീറ്റ് നിലനിർത്താൻ എൽഡിഎഫിനും, നില മെച്ചപ്പെടുത്താൻ യുഡിഎഫിനും ഈ തെരഞ്ഞെടുപ്പ് നിർണായകമാണ്. 

പക്ഷിപ്പനിയെ തുടർന്ന് കോഴിയിറച്ചി വിഭവങ്ങൾ നിരോധിച്ചതിൽ പ്രതിഷേധിച്ച് ആലപ്പുഴ ജില്ലയിൽ നാളെ ഹോട്ടലുകൾ അടച്ചിടും. ഹോട്ടൽ & റെസ്റ്റോറന്റ് അസോസിയേഷനും ജില്ലാ കളക്ടറുമായുള്ള ചർച്ച പരാജയപ്പെട്ടതോടെയാണ് ഹോട്ടൽ ഉടമകൾ സമരത്തിലേക്ക് നീങ്ങിയത്.

കേരളത്തിലെ തദ്ദേശ സ്ഥാപനങ്ങളിലെ അധ്യക്ഷ തെരഞ്ഞെടുപ്പ് പൂർത്തിയായപ്പോൾ ഗ്രാമപഞ്ചായത്തുകളിൽ യു.ഡി.എഫിന് വ്യക്തമായ മുൻതൂക്കം. 534 പഞ്ചായത്തുകളിൽ യു.ഡി.എഫ് ഭരണം നേടിയപ്പോൾ 364 ഇടത്താണ് എൽ.ഡി.എഫ് പ്രതിനിധികൾ അധ്യക്ഷന്മാരായത്

ഈ ദിവസങ്ങളിൽ നടന്നത് ഇന്ത്യൻ ഭരണഘടനയ്ക്ക് എതിരായ പ്രവർത്തനങ്ങൾ ആണെന്ന് ഭരണകർത്താക്കൾ പറയണമെന്ന് മാർ ആൻഡ്രൂസ് താഴത്ത്. തീവ്രവാദികൾ നടത്തുന്നുവെന്ന് പറഞ്ഞ് നിഷ്ക്രിയത്വവും മൗനവും പാലിക്കുന്നത് ഭരണഘടനക്കെതിരാണെന്നും സിബിസിഐ അധ്യക്ഷൻ. 

2012-ൽ ചെങ്ങന്നൂരിൽ കൊല്ലപ്പെട്ട എബിവിപി പ്രവർത്തകൻ വിശാലിന്റെ വധക്കേസിൽ മാവേലിക്കര അഡീഷണൽ സെഷൻസ് കോടതി നാളെ വിധി പറയും. ക്യാമ്പസ് ഫ്രണ്ട് പ്രവർത്തകരായ 20 പേർ പ്രതികളായ കേസിൽ, വിശാൽ സുഹൃത്തിന് നൽകിയ മരണമൊഴി നിർണായക തെളിവാണ്

നിയമനത്തിലൂടെയുണ്ടായ നേട്ടങ്ങൾ വിവരാവകാശ നിയമപ്രകാരം അറിയിക്കാനാകില്ലെന്നാണ് മറുപടി നൽകിയത്. സാങ്കേതിക കാരണങ്ങൾ പറഞ്ഞ് വിവരങ്ങൾ മറച്ചുവയ്ക്കുന്നുവെന്ന് യൂത്ത് കോൺ​ഗ്രസ് പരാതിപ്പെട്ടു.

രേഖകളിൽ കൃത്രിമം നടത്തിയെന്നും ബോർഡിന് നഷ്‌ടമുണ്ടാക്കാനായി പ്രതികൾ സഹകരിച്ചുവെന്നും അന്വേഷണ സംഘം. അതേസമയം, വിജയകുമാറിനെ കോടതി 14 ദിവസത്തേക്ക് റിമാൻ്റ് ചെയ്തു. അടുത്ത മാസം 12വരെയാണ് റിമാൻ്റ് കാലാവധി.