കൊവിഡ് 19; ആശങ്ക ഉയര്‍ത്തി കേരളത്തിലെ രോഗവ്യാപനം
First Published Sep 7, 2020, 3:52 PM ISTസംസ്ഥാനത്ത് ആദ്യമായി പ്രതിദിനം 3000 കടന്ന് കൊവിഡ് ബാധിതർ. സാംപിൾ പരിശോധന വർദ്ധിച്ചതോടെയാണ് കൊവിഡ് ബാധിതരുടെ എണ്ണത്തിൽ വർദ്ധന ഉണ്ടെയതെന്നാണ് കണക്കുകൾ സൂചിപ്പിക്കുന്നത്. ഇന്നലെ മാത്രം 41,392 പേരുടെ സാംബിളുകള്‍ സംസ്ഥാനത്ത് പരിശോധിച്ചെന്ന് സര്‍ക്കാര്‍ പറയുന്നു. ഇന്നലെ മാത്രം 10 കൊവിഡ് ബാധിതരുടെ മരണമാണ് സർക്കാർ സ്ഥിരീകരികരിച്ചത്. ഇതോടെ കൊവിഡ് ബാധിച്ച് സംസ്ഥാനത്ത് മരിച്ചവർ 347 ആയി. കൊവിഡ് രോഗികളുടെ എണ്ണം വർദ്ധിക്കുമ്പോഴും ഇന്ത്യ അൺലോക്ക് 4.0 ഘട്ടത്തിലേക്ക് കടന്നു. ഇതിനിടെ കൊവിഡ് ബാധിതരുടെ എണ്ണത്തിൽ ബ്രസീലിനെ പിൻതള്ളി രാജ്യം ഇന്നലെ രണ്ടാമതെത്തി. അമേരിക്കയാണ് ലോകത്ത് ഏറ്റവും കൂടുതല്‍ കൊവിഡ് രോഗികളും മരണവും സ്ഥിരീകരിച്ച രാജ്യം. 64,60,250 കൊവിഡ് ബാധിതരാണ് അമേരിക്കയിലുള്ളത്. ഇന്ത്യയിലാകട്ടെ 42,02,562 പേര്‍ക്കാണ് രോഗം ബാധിച്ചത്. എന്നാൽ മരണ നിരക്ക് അമേരിക്കയെയും ബ്രസീലിനെയും സംബന്ധിച്ചടുത്തോളം ഇന്ത്യയിൽ കുറവാണെന്നതാണ് ഏക ആശ്വാസം. 1,93,250 പേർ അമേരിക്കയിലും 1,26,686 പേർ ബ്രസീലിലും കൊവിഡ് വൈറസ് ബാധയേ തുടര്‍ന്ന് മരിച്ചു. 71,687 പേരാണ് വൈറസ് ബാധമൂലം ഇന്ത്യയിൽ മരണത്തിന് കീഴടങ്ങിയത്.