പാഴ്വസ്തുക്കളില് ആത്മാവിഷ്ക്കാരം തേടി കുഞ്ഞുമോന്
First Published Oct 23, 2019, 1:37 PM ISTവി കുഞ്ഞുമോന്. സാധാരണക്കാരനായ ഒരു പ്ലംബര്. പക്ഷേ അദ്ദേഹത്തെ മറ്റ് പ്ലംബര്മാരില് നിന്ന് വ്യത്യസ്തനാക്കുന്ന ഒന്നുണ്ട്. പ്ലംബിങ്ങിനിടെയിലും അദ്ദേഹത്തിലെ കലാകാരന് സജീവമാണെന്നതാണ് അത്. വീടുകളിലെ ജല വിതരണ സംവിധാനങ്ങളില് ചോര്ച്ചയില്ലാതെ സുഗമമായി ജലപ്രവാസം സാധ്യമാക്കുമ്പോഴും കുഞ്ഞുമോന്റെ അന്വേഷണം പുതിയ രൂപങ്ങളെക്കുറിച്ചാകും. ജോലിക്ക് ശേഷമുള്ള വിശ്രമവേളകളില് അദ്ദേഹം തന്റെ ഇഷ്ടാനിഷ്ടങ്ങളിലേക്ക് തിരിയും. ലഭ്യമായ വസ്തുക്കള് വച്ച് ഒരു കുഞ്ഞു ശില്പം. ഇങ്ങനെ പലപ്പോഴായി നിര്മ്മിട്ട ശില്പങ്ങള് കുഞ്ഞുമോന് നാട്ടുകാര്ക്ക് വേണ്ടി കഴിഞ്ഞ ദിവസം പ്രദര്ശിപ്പിച്ചു. തിരുവനന്തപുരം മ്യൂസിയം ഓഡിറ്റോറിയത്തില് നടന്ന കുഞ്ഞുമോന്റെ രണ്ടാം ശില്പപ്രദര്ശനത്തില് നിന്നുള്ള കാഴ്ചകള് കാണാം. ഏഷ്യാനെറ്റ് ന്യൂസ് ക്യാമറാമാന് ബൈജു വി മാത്യു പകര്ത്തിയ ചിത്രങ്ങള് കാണാം.