ഇന്നിന്റെ കായിക താരത്തെ കണ്ടെത്താന്... ഖത്തറില് നിന്നുള്ള കാഴ്ചകള്
First Published Oct 1, 2019, 1:41 PM ISTഖത്തറിന്റെ തലസ്ഥാനമായ ദോഹയില് നടക്കുന്ന ലോക അത്ലറ്റിക്ക് ചാമ്പ്യന്ഷിപ്പില് ലോകത്തിലെ കരുത്തുറ്റ കായിക താരങ്ങളാണ് മത്സരിക്കുന്നത്. ഒളിമ്പിക്സ് കഴിഞ്ഞാല് ലോക കായിക മേളയിലെ ഏറ്റവും വലിയ മത്സരങ്ങള് നടക്കുന്ന വേദിയാണ് ലോക അത്ലറ്റിക്ക് ചാമ്പ്യന്ഷിപ്പ്. ദോഹയില് ലോക ചാമ്പ്യന്ഷിപ്പ് നടക്കുമ്പോള്, കേരളത്തില് സ്കൂള് കായിക മേള അനിശ്ചിതത്വത്തിന്റെ ട്രാക്കിലാണെന്നാണ് പുറത്ത് വരുന്ന വാര്ത്തകള്. തുല്യജോലിക്ക് തുല്യവേതനം എന്നതുള്പ്പടെയുള്ള ആവശ്യങ്ങള് ഉന്നയിച്ചാണ് കായികാധ്യാപകരുടെ സമരം. എന്നാല്, കായിക ജീവിതത്തിനിടെ അമ്മയായി, തിരിച്ച് വീണ്ടും ട്രാക്കിലേക്ക് വന്ന ഷെല്ലി ആന് ഫ്രേസറിനെയും ഓട്ടത്തിനിടെ ട്രാക്കില് വീണ സഹതാരത്തെ താങ്ങിയെടുത്ത് ഓട്ടം പൂര്ത്തികരിക്കുന്ന ബ്രൈമ ദാബോയെ പോലുള്ള കായിക താരങ്ങളാല് സമ്പന്നമാണ് ഖത്തറില് നടക്കുന്ന ലോക അത്ലറ്റിക്ക് ചാമ്പ്യന്ഷിപ്പ്. ചാമ്പ്യന്ഷിപ്പില് നിന്നുള്ള ചില മത്സര ദൃശ്യങ്ങള് കാണാം.