കാട്ടുതീയില്‍ നിന്ന് നൂറ് കോലകളെ രക്ഷിച്ച 'ബിയറി'ന് ധീരതയ്ക്കുള്ള ബഹുമതി
First Published Oct 15, 2021, 12:53 PM ISTഓസ്‌ട്രേലിയയില്‍ പടര്‍ന്നു പിടിച്ച ബ്ലാക്ക് സമ്മർ കാട്ടുതീയിൽ 100 കോലകളെ രക്ഷിച്ച 'ബിയര്‍' എന്ന് പേരുള്ള നായയ്ക്ക് ധീരതയ്ക്ക് യുകെയിൽ നിന്ന് ബഹുമതി. കഴിഞ്ഞ ചെവ്വാഴ്ച ഓണ്‍ലൈന്‍ വഴി സംഘടിപ്പിച്ച ചടങ്ങില്‍ അവാര്‍ഡ് സമ്മാനിച്ചു. കാട്ടുതീ തടയുന്നതിനുള്ള രക്ഷാസംഘത്തിന്‍റെ ഭാഗമായിരുന്നു ബിയറും. അതിശക്തമായ കാട്ടുതീ പടര്‍ന്ന് പിടിക്കുമ്പോള്‍, വംശനാശ ഭീഷണി നേരിടുന്ന കോലകളുടെ സ്ഥിതി ഏറെ ദയനീയമായിരുന്നു. ഇതിനിടെയാണ് ബിയര്‍ നൂറോളം കോലകളെ കാട്ടുതീയില്‍ നിന്നും രക്ഷിച്ചത്. മൃഗസംരക്ഷണത്തിനായുള്ള അന്താരാഷ്ട്ര ഫണ്ടിന്‍റെ പ്രത്യേക അംഗീകാരമായാണ് ബിയറിന് അവാർഡ് സമ്മാനിച്ചത്.