ഹംപ്ബാക്ക് തിമിംഗലങ്ങൾ ഒരു കൂട്ടം ക്രില്ലിനെ വേട്ടയാടാൻ വേണ്ടിയാണ് സമുദ്രത്തില്‍ സർപ്പിളാകൃതിയില്‍ രൂപങ്ങളുണ്ടാക്കുന്നത്. ഹംപ്ബാക്ക് തിമിംഗലങ്ങൾ ബബിൾ-നെറ്റ് ഫീഡിംഗ് എന്ന സാങ്കേതികവിദ്യ ഉപയോഗിച്ചാണ് ഇര പിടിക്കുന്നത്.
ഹംപ്ബാക്ക് തിമിംഗലങ്ങൾ കടലിനടിത്തട്ടില്‍ നിന്ന് പുറത്ത് വിടുന്ന വായു, കുമിളകളുായി സമുദ്രോപരിതലത്തിലേക്ക് ഉയരുന്നു. ഈ വായു അറകളില്‍ ക്രില്‍ മത്സ്യങ്ങള്‍ കുടുങ്ങി കിടക്കുന്നു.
നിമിഷ നേരത്തേക്കുള്ള ഈ വായു നിര്‍മ്മിത തടവറ മായുമ്പോഴേക്കും ഇരയെ ഹംപ്ബാക്ക് അകത്താക്കിയിരിക്കും. ഒറ്റയ്ക്കായിരിക്കില്ല ഈ ഇരപിടിത്തം. ഒന്നില്‍ കൂടുതല്‍ ഹംപ്ബാക്ക് തിമിംഗലങ്ങള്‍ ഒരുമിച്ചായിരിക്കും വേട്ട.
നീല കുമിളകള്‍ സമുദ്രോപരിതലത്തിന് മുകളില്‍ രൂപപ്പെടുന്നതിന് മുമ്പ് സമുദ്രജലത്തിൽ മൂന്ന് മങ്ങിയ വരകൾ പ്രത്യക്ഷപ്പെട്ടു. നാല് ഹംപ്ബാക്ക് തിമിംഗലങ്ങൾ ഉപരിതലത്തിലേക്ക് പതുക്കെ ഉയരുന്നവന്നു.
സർപ്പിള പാറ്റേൺ അപ്രത്യക്ഷമാകുന്നതിന് മുമ്പ് തിമിംഗലങ്ങളില്‍ നിന്ന് ബാഷ്പീകരിച്ച നീരാവി പുറത്തേക്ക് ചീറ്റപ്പെട്ടു. അപ്പോഴേക്കും മറ്റൊരു സർപ്പിള രൂപം സൃഷ്ടിക്കപ്പെട്ടു. ഇത്തവണ ഈ സാങ്കേതികവിദ്യ ഉപയോഗിച്ച് രണ്ട് തിമിംഗലങ്ങൾ മാത്രമാണ് വേട്ടനടത്തുന്നത്.
സമുദ്രാന്തര്‍ഭാഗത്ത് നിന്ന് പുറന്തള്ളപ്പെടുന്ന വായു അറകളില്‍പ്പെട്ടു പോകുന്ന മത്സ്യങ്ങള്‍ നിമിഷ നേരത്തിനുള്ളില്‍ തിമിംഗലങ്ങളുടെ വായ്ക്കുള്ളിലേക്ക് മറിയുന്നു.
ഹംപ്ബാക്ക് തിമിംഗലങ്ങളുടെ നീളം 16 മീറ്റർ (52 അടി) വരെയാണ്, അവയുടെ ഭാരം ഏകദേശം 36,000 കിലോഗ്രാം (79,000 പൗണ്ട്) ആണ്.
ഇത്രയും വലിയ ശരീരമുണ്ടെങ്കിലും ഇവ മനുഷ്യന് ഭീഷണിയല്ല. ശൈത്യകാലത്ത്, അവ വടക്കൻ അറ്റ്ലാന്‍റിക് സമുദ്രത്തിലെ മഞ്ഞുപാളികൾ ഉപേക്ഷിച്ച്, ബ്രിട്ടന് സമീപത്തെ ചൂടുള്ള കടലിലേക്ക് കുടിയേറുന്നു.
' സമുദ്രോപരിതലത്തിൽ ഈ പാറ്റേണുകളുടെ വ്യോമ കാഴ്ചപ്പാടുകൾ കാണുന്നത് ചലനാത്മകവും ആവേശകരവുമായിരുന്നു.' എന്ന് അന്‍റാർട്ടിക്കയിലെ ഗവേഷണ പദ്ധതിയുടെ ഭാഗമായി പ്രവര്‍ത്തിക്കുന്ന ന്യൂസിലാൻഡിലെ വനകയിലെ റിച്ചാർഡ് സൈഡി പറയുന്നു.
കാലാവസ്ഥാ വ്യതിയാനവും വ്യാവസായിക തോതിലുള്ള മത്സ്യബന്ധനവും കാരണം ഹംപ്ബാക്ക് തിമിംഗലങ്ങളുടെ പ്രിയപ്പെട്ട ഭക്ഷണമായ ക്രില്‍ പോലുള്ള മീനുകളുടെ എണ്ണത്തില്‍ വലിയ കുറവുണ്ടാകുന്നത് ഹംപ്ബാക്ക് തിമിംഗലങ്ങളുടെ നിലനില്‍പ്പിന് തന്നെ ഭീഷണിയാണ്.
അവയുടെ വലിപ്പവും കപ്പല്‍ ചാലിലെ ജീവിതവും ഹംപ്ബാക്ക് തിമിംഗലങ്ങളുടെ നിലനില്‍പ്പ് അപകടത്തിലാക്കുന്നു. വലിപ്പമേറിയ കപ്പലുകളില്‍ ഹംപ്ബാക്ക് തിമിംഗലങ്ങള്‍ക്ക് വലിയ ഭീഷണിയാണ് ഉയര്‍ത്തുന്നത്.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിൻ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യർത്ഥിക്കുന്നു. ഒന്നിച്ച് നിന്നാൽ നമുക്കീ മഹാമാരിയെ തോൽപ്പിക്കാനാവും. #BreakTheChain #ANCares #IndiaFightsCorona