Gold Rate Today: 'പൊന്നോണത്തിനും പണി പറ്റിച്ച് പൊന്നിൻ്റെ വില'; 79,000 ലേക്കോ? ഇന്നും സർവകാല റെക്കോർഡ് നിരക്കിൽ

ചരിത്രത്തിലെ ഏറ്റവും വലിയ നിരക്കിലാണ് സ്വർണ വ്യാപാരം നടക്കുന്നത്. 

തിരുവനന്തപുരം: സംസ്ഥാനത്ത് ഇന്നും സ്വർണ്ണവില സർവ്വകാല റെക്കോഡിൽ. പവന് ഇന്ന് 560 രൂപയാണ് വർധിച്ചത്. ഇന്ന് ഒരു പവൻ 22 കാരറ്റ് സ്വർണത്തിന്റെ വിപണി വില 78, 920 രൂപയാണ്.

കഴിഞ്ഞ കുറച്ച് ദിവസമായി സ്വർണ്ണവില കുത്തനെ ഉയർന്നിട്ടുണ്ട്. ചരിത്രത്തിലെ ഏറ്റവും വലിയ നിരക്കിലാണ് സ്വർണ വ്യാപാരം നടക്കുന്നത്. ജിഎസ്ടിയും പണിക്കൂലിയും ഹോൾമാർക്ക് ഫീസുമടക്കം ഏറ്റവും കുറഞ്ഞത് ഒരു പവൻ ആഭരണത്തിന് 86,000 രൂപയ്ക്ക് മുകളിൽ നൽകണം. നിലവിൽ, ഒരു ഗ്രാം സ്വർണത്തിന് 10800 രൂപ നൽകേണ്ടിവരും.

കഴിഞ്ഞ മാസം 22ന് 9215 രൂപയായിരുന്നു ഒരു ഗ്രാം സ്വർണത്തിന് വില രണ്ടാഴ്ചയ്ക്കുള്ളിൽ വില 9865 രൂപയിലേക്ക് എത്തിയിരിക്കുകയാണ്.

സംസ്ഥാനത്ത് വിവാഹ വിപണി സജീവമായ ഈ മാസത്തിൽ സ്വർണവില കൂടിയത് തിരിച്ചടിയായിട്ടുണ്ട്. കേരളത്തിൽ ഓണക്കാലത്തുള്ള ചെറിയ പർച്ചേസുകളെ ഉയർന്ന സ്വർണ്ണവില കാര്യമായി ബാധിച്ചിട്ടുണ്ട്. ഭൗമരാഷ്ട്ര സംഘർഷങ്ങൾ, താരിഫ് നിരക്ക് വർദ്ധനവ്, ലോക ക്രമത്തിൽ വരുന്ന മാറ്റങ്ങൾ എന്നിവയെല്ലാംകൊണ്ട് സുരക്ഷിത നിക്ഷേപം എന്ന നിലയിൽ സ്വർണ്ണവില വർദ്ധനവിന് കാരണമാകുന്നുണ്ട്. സെൻട്രൽ ബാങ്കുകൾ യുഎസ് ട്രഷറി ബോണ്ടുകൾ വാങ്ങാതെ സ്വർണ്ണം വാങ്ങുന്നതും വിലവർധനവിന് കാരണമായിട്ടുണ്ട്.

ഒരു ഗ്രാം 22 കാരറ്റ് സ്വർണത്തിൻ്റെ വില 9865 ആണ്. ഒരു ഗ്രാം 18 കാരറ്റ് സ്വർണത്തിൻ്റെ വില 8105 ആണ്. 14 കാരറ്റ് സ്വർണത്തിൻ്റെ വില 6305 ആണ്. വെള്ളിയുടെ വിലയും റെക്കോർഡിലാണ്. ഒരു ഗ്രാം 916 ഹാൾമാർക്ക് വെള്ളിയുടെ ഇന്നത്തെ വിപണി വില 133 രൂപയാണ്.

സെപ്തംബറിലെ സ്വർണവില ഒറ്റനോട്ടത്തിൽ

സെപ്തംബർ 1 - പവന് 680 രൂപ ഉയർന്നു. വിപണി വില - 77,640

സെപ്തംബർ 2 - പവന് 160 രൂപ ഉയർന്നു. വിപണി വില - 77,800

സെപ്തംബർ 3 - പവന് 640 രൂപ ഉയർന്നു. വിപണി വില - 78,440 സെപ്തംബർ 4 - പവന് 80 രൂപ കുറഞ്ഞു. വിപണി വില - 78,360 സെപ്തംബർ 5 - പവന് 560 രൂപ ഉയർന്നു. വിപണി വില - 78,920