സ്വർണവിലയിൽ മാറ്റമില്ല, പ്രതീക്ഷ നിറച്ച് യുഎസ് പണപ്പെരുപ്പ റിപ്പോർട്ട്

യുഎസ് തൊഴിൽ വിപണിയിൽ നിന്നുള്ള പ്രതീക്ഷിച്ചതിലും മികച്ച കണക്കുകൾ പുറത്തുവന്നതോടെ സ്വർണ്ണ വ്യാപാരത്തിൽ നേരിയ ഇടിവ് രേഖപ്പെടുത്തി

തിരുവനന്തപുരം; സംസ്ഥാനത്ത് ഇന്ന്  സ്വർണവിലയില് മാറ്റമില്ല. ഇന്നലെ പവന് 240 രൂപ കുറഞ്ഞു. ഇതോടെ സ്വർണവില 1,14,000 ത്തിന് താഴെയെത്തിയിരുന്നു. ഒരു പവൻ 22 കാരറ്റ് സ്വർണത്തിന്റെ ഇന്നത്തെ വിപണി വില 114,240 രൂപയാണ്. ഏറ്റവും കുറഞ്ഞ പണിക്കൂലിയിൽ സ്വർണം വാങ്ങാൻ 1,50,000 ത്തിന് മുകളിൽ നൽകണം.

യുഎസ് തൊഴിൽ വിപണിയിൽ നിന്നുള്ള പ്രതീക്ഷിച്ചതിലും മികച്ച കണക്കുകൾ പുറത്തുവന്നതോടെ  സ്വർണ്ണ വ്യാപാരത്തിൽ നേരിയ ഇടിവ് രേഖപ്പെടുത്തി. യുഎസ് കാർഷികേതര ശമ്പള റിപ്പോർട്ട് പ്രകാരം ജനുവരിയിലെ സമ്പദ്‌വ്യവസ്ഥ 1.3 ലക്ഷം തൊഴിലവസരങ്ങൾ സൃഷ്ടിച്ചു, അതേസമയം തൊഴിലില്ലായ്മ നിരക്ക് 4.3 ശതമാനമായി കുറഞ്ഞു, ഇത് തൊഴിൽ വിപണിയിലെ ശക്തിയെയാണ് സൂചിപ്പിക്കുന്നത്. ശക്തമായ തൊഴിൽ ഡാറ്റ കാരണം, യുഎസ് ഫെഡറൽ റിസർവ് ഉടനടി നിരക്ക് കുറയ്ക്കുമെന്ന പ്രതീക്ഷകൾ കുറച്ചിട്ടുണ്ട്. ഇത് വിലയേറിയ ലോഹ വിപണികളിൽ സമ്മർദ്ദം ചെലുത്തുന്നുണ്ട്. ഫെബ്രുവരി 13 ന്ഇന്ത്യയിലും അന്താരാഷ്ട്ര വിപണിയിലും സ്വർണ്ണ വില ഒരു പരിധിവരെ വ്യത്യാസപ്പെടാൻ സാധ്യതയുണ്ട്, കാരണം നിക്ഷേപകർ ഇന്ന് വൈകുന്നേരം പുറത്തിറക്കാൻ പോകുന്ന യുഎസ് പണപ്പെരുപ്പ ഡാറ്റ സൂക്ഷ്മമായി നിരീക്ഷിക്കും. കൂടാതെ, നിരക്ക് കുറയ്ക്കലുമായി ബന്ധപ്പെട്ട യുഎസ് ഫെഡ് ഉദ്യോഗസ്ഥരുടെ സൂചനകളും കാത്തിരിക്കുകയാണ്.

ഇന്നത്തെ വില വിവരങ്ങൾ

ഒരു ​ഗ്രാം 22 കാരറ്റ് സ്വർണത്തിന്റെ വില 14280 രൂപ. ഒരു ​ഗ്രാം 18 കാരറ്റ് സ്വർണത്തിന്റെ വില 11800 രൂപ. ഇന്ത്യയിൽ വെള്ളി വിലയിൽ നേരിയ വർധനവ് രേഖപ്പെടുത്തി. ഇന്ത്യയിൽ വെള്ളി വില ഗ്രാമിന് 295 രൂപയായും കിലോഗ്രാമിന് 2,95,000 രൂപയായും ഉയർന്നു.