Exit Poll Live: അഞ്ചിലങ്കം: എക്സിറ്റ് പോളിൽ പ്രതീക്ഷയോടെ ബിജെപിയും കോൺഗ്രസും, ഫലം പുറത്ത്

ഛത്തീസ്‌ഗഡിൽ സീ വോട്ടർ സർവേ പ്രകാരം ബിജെപി 36 മുതൽ 48 സീറ്റ് വരെ നേടും. കോൺഗ്രസ് 41 മുതൽ 53 സീറ്റ് വരെയും നേടുമെന്ന് എബിപി -സീ വോട്ടർ എക്സിറ്റ് പോൾ പറയുന്നു.

 സീ ന്യൂസ് പോൾ സ്റ്റാർട്ട് സർവേ പ്രകാരം രാജസ്ഥാനിൽ ബിജെപി 100 മുതൽ 110 സീറ്റ് വരെ നേടും. കോൺഗ്രസ് 90 മുതൽ 100 വരെ സീറ്റ് നേടും. ആകെ 199 സീറ്റാണ് സംസ്ഥാനത്തുള്ളത്. 

ജൻ കീ ബാത്ത് എക്സിറ്റ് പോൾ ഫലം പ്രകാരം മധ്യപ്രദേശിൽ ബിജെപി 100 മുതൽ 123 സീറ്റ് വരെ നേടും. കോൺഗ്രസ് 102 മുതൽ 125 സീറ്റ് വരെയും നേടാൻ സാധ്യതയുണ്ടെന്ന് പ്രവചനം പറയുന്നു.

ടിവി 9 ഭാരത് വർഷ് പോൾസ്ട്രാറ്റ് എക്സിറ്റ് പോൾ ഫലം പ്രകാരം മധ്യപ്രദേശിൽ ഇഞ്ചോടിഞ്ച് പോരാട്ടം. ബിജെപി 106 മുതൽ 116 സീറ്റ് വരെ നേടും. കോൺഗ്രസ് 111 മുതൽ 121 സീറ്റ് വരെ നേടും.

രാജസ്ഥാനിൽ ബിജെപിയെന്ന് സിഎൻഎൻ ന്യൂസ് 18 എക്സിറ്റ് പോൾ ഫലവും പ്രവചിക്കുന്നു. നേരത്തെ ടൈംസ് നൗവും ഇത് തന്നെയാണ് പ്രവചിച്ചത്. ബിജെപി 111 സീറ്റും കോൺഗ്രസ് 74 സീറ്റും നേടുമെന്നാണ് ന്യൂസ് 18 പ്രവചനം.

ഛത്തീസ്​ഗഡിൽ ആകെയുള്ള 90 സീറ്റുകളിൽ കോൺഗ്രസിന് മുൻതൂക്കമെന്ന് ഇന്ത്യ ടുഡെ - ആക്സിസ് മൈ ഇന്ത്യ പ്രവചനം. ബിജെപി 36 മുതൽ 46 സീറ്റ് വരെ നേടും. കോൺ​ഗ്രസ്  40 മുതൽ 50 സീറ്റ് വരെയും മറ്റുള്ളവർ ഒന്ന് മുതൽ നാല് വരെ സീറ്റും നേടും.

ഛത്തീസ്​ഗഡിൽ ഇന്ത്യ ടുഡേ - ആക്സിസ് മൈ ഇന്ത്യ നടത്തിയ എക്സിറ്റ് പോൾ ഫലം ഒന്നാം ഘട്ടം

ബിജെപി - 10
കോൺ​ഗ്രസ് -  9
മറ്റുള്ളവർ - 1

ഛത്തീസ്​ഗഡിൽ 31 ശതമാനം ആളുകളും ഭൂപേഷ് ഭാ​ഗേൽ മുഖ്യമന്ത്രിയായി തുടരണമെന്ന് ആഗ്രഹിക്കുന്നു. ബിജെപി നേതാവ് രമൺ സിം​ഗ് വരണമെന്ന് ആഗ്രഹിക്കുന്നവർ 21 ശതമാനം മാത്രം.

റിപ്പബ്ളിക് ടിവിയുടെ എക്സിറ്റ് പോൾ ഫലങ്ങൾ പ്രകാരം മധ്യപ്രദേശിൽ ബിജെപി 118 മുതൽ 130 സീറ്റ് വരെ ജയിക്കാൻ കഴിയും. കോണ്‍ഗ്രസ് 97 മുതൽ 107 സീറ്റ് വരെ നേടും.

ഛത്തീസ്ഗഡിൽ കോണ്‍ഗ്രസ് 47 സീറ്റിലും ബിജെപി 40 സീറ്റിലും വിജയിക്കുമെന്ന് ന്യൂസ് 18 പ്രവചനം.

തെലങ്കാനയിൽ കോണ്‍ഗ്രസ് 56 സീറ്റ് നേടി ഏറ്റവും വലിയ ഒറ്റക്കക്ഷിയാകുമെന്ന് ന്യൂസ് 18 എക്സിറ്റ് പോൾ ഫലം. സംസ്ഥാനം ഭരിക്കുന്ന ബിആര്‍എസ് 48 സീറ്റിലേക്ക് ഒതുങ്ങും. ബിജെപി 10 സീറ്റ് നേടുമെന്നും സർവേ ഫലം.

മധ്യപ്രദേശിൽ അതിശക്തമായ പോരാട്ടമെന്ന് ന്യൂസ് 18 എക്സിറ്റ് പോൾ. കോണ്‍ഗ്രസ് 113 സീറ്റ് നേടി അധികാരത്തിലെത്തും. ബിജെപി 112 സീറ്റിൽ ജയിക്കും.

 രാജസ്ഥാനിൽ ഭരണമാറ്റമെന്ന് ന്യൂസ് 18 സർവേ ഫലം. ബിജെപി 111 സീറ്റ് നേടി അധികാരത്തിലെത്തും. കോണ്‍ഗ്രസ് 74 സീറ്റിൽ മാത്രമേ ജയിക്കൂവെന്നും ഫലം പറയുന്നു.

ബിജെപി 115 സീറ്റ് നേടി അധികാരത്തിലെത്തും

കോൺഗ്രസിന് 65 ഇടത്ത് ജയസാധ്യത

സംസ്ഥാനത്ത് ഭരണമാറ്റത്തിന് സാധ്യത