കേരളത്തില്‍ 19 പേര്‍ക്ക് കൂടി കൊവിഡ്; ഇന്ത്യയില്‍ 88; രാജ്യത്തെ രോഗബാധിതരുടെ എണ്ണം 700 കഴിഞ്ഞു| Live updates

സംസ്ഥാന സർക്കാരിന്‍റെ സന്നദ്ധ സേനയിൽ കോൺഗ്രസ് പ്രവർത്തകരും അംഗമാകണമെന്ന് കെപിസിസി പ്രസിഡന്റ് മുല്ലപ്പള്ളി രാമചന്ദ്രൻ. കൊവിഡ് രോഗപ്രതിരോധത്തിലും മറ്റു സേവനപ്രവര്‍നങ്ങളിലും പരമാവധി യുവ കോണ്‍ഗ്രസ് പ്രവര്‍ത്തകരും മഹിളാകോണ്‍ഗ്രസ് പ്രവർത്തകരും പൂര്‍ണ്ണമായി സഹകരിക്കണമെന്ന് അദ്ദേഹം ആവശ്യപ്പെട്ടു

കൊവിഡ് നിരീക്ഷണത്തിലായിരുന്ന കൊല്ലം സബ് കളക്ടർ അനുപം മിശ്ര മുങ്ങി. ആരോഗ്യ വകുപ്പ് അധികൃതർ ഫോണിൽ ബന്ധപ്പെട്ടപ്പോൾ കാൺപൂരിലാണെന്നായിരുന്നു പ്രതികരണം.വിദേശത്ത് നിന്ന് മടങ്ങിയെത്തിയ സബ് കളക്ടർ ഈ മാസം 19 മുതൽ ഔദ്യോഗിക വസതിയിൽ നിരീക്ഷണത്തിലായിരുന്നു. ഇന്ന് ആരോഗ്യ വകുപ്പ് ഉദ്യോഗസ്ഥർ വസതിയിലെത്തിയപ്പോൾ അനുപം മിശ്ര അവിടെയുണ്ടായിരുന്നില്ല. യുവ ഐഎഎസ് ഉദ്യോഗസ്ഥന്റേത് നടപടി ദൂഷ്യവും ഗുരുതരമായ ചട്ടലംഘനവുമാണെന്ന് ആരോപണമുയർന്നു കഴിഞ്ഞു. 2016 ബാച്ച് ഉദ്യോഗസ്ഥനായ അനുപം മിശ്ര ഉത്തർപ്രദേശുകാരനാണ്

മഹാരാഷ്ട്രയിൽ ഒരാൾ കൂടി കൊവിഡ് 19 ബാധിച്ച് മരിച്ചു. 65 വയസുകാരിയാണ് രോഗം മൂലം മരിച്ചത്. ഇതോടെ മഹാരാഷ്ട്രയിൽ കൊവിഡ് 19 ബാധിച്ച് മരിച്ചവരുടെ എണ്ണം 5 ആയി. 

സാമ്പത്തിക നഷ്ടങ്ങൾക്കു മേലെയാണ് ജനജീവന്‍റെ വിലയെന്ന് മോദി. ഗവേഷണഫലങ്ങൾ പരസ്പരം പങ്കുവയ്ക്കാൻ രാജ്യങ്ങൾ തയ്യാറാകണമെന്നും ജി20 ഉച്ചകോടിയിൽ മോദി. ലോകാരോഗ്യ സംഘടനയുടെ പ്രവർത്തനം അടിമുടി മറണമെന്നും മോദി ജി 20യിൽ

തിരുവനന്തപുരം ജനറൽ ആശുപത്രിയിൽ നിരീക്ഷണത്തിൽ കഴിഞ്ഞിരുന്ന രണ്ട് പേരെ കൂടി കാണാതായി. ഇന്നലെയും ഒരാൾ ചാടി പോയിരുന്നു. 

5 ലക്ഷം കോടി രൂപ വിപണിയിലേക്കിറക്കി സമ്പദ് വ്യവസ്ഥ പിടിച്ചുനിറുത്താൻ ജി ഇരുപത് ഉച്ചകോടിയിൽ തീരുമാനം. മനുഷ്യജീവൻ രക്ഷിക്കാൻ കൂട്ടായി പോരാടുമെന്നും ഭാവിയിലെ ഏതു വെല്ലുവിളിയും നേരിടാൻ തയ്യാറായി നിൽക്കുമെന്നും ജി20 നേതാക്കൾ. ഈ പ്രതിസന്ധി അതിജീവിക്കുമെന്നും ജി 20.

രാജ്യത്ത് ഇന്ന് മാത്രം ഇതുവരെ കൊവിഡ് ബാധിച്ചത് 88 പേർക്ക്. ഇതുവരെ കൊവിഡ് ബാധിച്ചത് 719 പേർക്കാണെന്ന് കേന്ദ്ര ആരോഗ്യമന്ത്രാലയം.  45 പേർ ആശുപത്രി വിട്ടു. 16 പേർ രോഗം ബാധിച്ച് മരിച്ചു. 

കണ്ണൂരിൽ ഇന്ന് കൊവിഡ് സ്ഥിരീകരിച്ചവരിൽ 6 പേർ വീട്ടിൽ നിരീക്ഷണത്തിൽ കഴിയുന്നവർ. രോഗം സ്ഥിരീകരിച്ചവരിൽ 9 പേരും ദുബായിയിൽ നിന്ന് വന്നരാണ്. 

ചെന്നൈയിൽ രണ്ട് പേർക്ക് കൂടി കൊവിഡ് 19 സ്ഥിരീകരിച്ചു. ലണ്ടനിൽ നിന്ന് മടങ്ങിയെത്തിയ 24 കാരനും, ചെന്നൈ സ്വദേശിനിയായ ഇയാളുടെ അമ്മയ്ക്കുമാണ് കൊവിഡ് സ്ഥിരീകരിച്ചത്. ഇതോടെ തമിഴ്നാട്ടിൽ കൊവിഡ് ബാധിതർ 29 ആയി. 

വാഴക്കാട് മുണ്ടുമുഴി കോരപ്പാടം പുളക്കലൊടി ബദ്രിയ്യ മസ്ജിദിനെതിരെ വാഴക്കാട് പൊലീസ് കേസെടുത്തു. 25 ലേറെ പേർ  നിസ്കരിക്കാനായി ഒത്തുകൂടിയതോടെയാണ് കേസ്.

സംസ്ഥാനത്തെ ട്രഷറികളുടെ പ്രവർത്തനം പുനക്രമീകരിച്ചു. കാസർകോട് ഒഴികെയുള്ള മറ്റെല്ലാ ജില്ലകളിലും എല്ലാ ട്രഷറികളും പ്രവർത്തിക്കും. കാസർകോട് ജില്ലാ ട്രഷറി മാത്രമായിരിക്കും പ്രവർത്തിക്കുക. ശമ്പള പെൻഷൻ വിതരണത്തിന് ഏപ്രിൽ ആദ്യവാരം എല്ലാ ട്രഷറികളും പൂർണതോതിൽ പ്രവർത്തിക്കും. ദൂരെ സ്ഥലങ്ങളിൽ ജോലി ചെയ്യുന്നവർക്ക് തൊട്ടടുത്ത ട്രഷറിയിൽ ജോലി ചെയ്യാം. 

കൊവിഡ് 19 പടരുന്ന സാഹചര്യത്തിൽ പഞ്ചാബിൽ 6000 തടവുകാർക്ക് പരോൾ നൽകുന്ന ഏഴു വർഷത്തിൽ താഴെ ശിക്ഷാ കാലാവധിയുള്ള തടവുകാർക്കാണ് പരോൾ നൽകുക. 

എറണാകുളം ജില്ലയിൽ ഏഴു ബാങ്ക് ജീവനക്കാർ അടക്കം 278 പേരെ ഇന്ന് നിരീക്ഷണത്തിൽ ആക്കി. ജില്ലയിൽ 3463 പേർ വീടുകളിലും 32 പേർ ആശുപത്രികളിലും നിരീക്ഷണത്തിൽ ഉണ്ട്. 

അവശ്യസാധനങ്ങളുടെ ലഭ്യത ഉറപ്പാക്കാൻ കടകൾക്ക് 24 മണിക്കൂറും പ്രവർത്തിക്കാൻ മഹാരാഷ്ട്ര സർക്കാർ അനുമതി നൽകി. പച്ചക്കറി പലചരക്ക് കടകൾക്കും മരുന്ന് കടകൾക്കും ആണ് നിബന്ധനകളോടെ ഇളവ്. പുറത്തിറങ്ങാതെ ജനങ്ങൾ സഹകരിച്ചില്ലെങ്കിൽ സൈന്യത്തെ വിളിക്കേണ്ടി വരുമെന്ന് ഉപമുഖ്യമന്ത്രി അജിത് പവാർ മുന്നറിയിപ്പ് നൽകി.

ജമ്മു കശ്മീരിൽ 13 പേർക്ക് കൂടി കൊവിഡ് 19 സ്ഥിരീകരിച്ചു. 

കൊവിഡ് സംബന്ധിച്ച സംസ്ഥാനത്ത് എന്തൊക്കെ പ്രവർത്തനങ്ങളാണ് നടക്കുന്നതെന്ന് അറിയാൻ കേന്ദ്ര സർക്കാർ താത്പര്യം പ്രകടിപ്പിച്ചു. പ്രധാനമന്ത്രി ചുമതലപ്പെടുത്തിയത് അനുസരിച്ച് കേന്ദ്രമന്ത്രി സദാനന്ദ ഗൗഡ വിളിച്ചു. സംസ്ഥാനത്തിന്റെ പ്രവർത്തനത്തിൽ മതിപ്പ് രേഖപ്പെടുത്തി. ദിവസവും കേന്ദ്രത്തിന് വിവരങ്ങൾ കൈമാറാൻ നടപടി സ്വീകരിക്കുമെന്ന് മുഖ്യമന്ത്രി. 

വിവിധ പ്രായത്തിലുള്ളവർക്ക് ബേക്കറി ഉൽപ്പന്നങ്ങൾ ആവശ്യമായി വരുന്നതിനാൽ അതിന് തടസം വരരുതെന്ന് എന്ന് തീരുമാനിച്ചിട്ടുണ്ടെന്ന് മുഖ്യമന്ത്രി.

എല്ലാ ജില്ലകളിലും 60 വയസിന് മുകളിൽ പ്രായമുള്ളവരുടെ പട്ടിക തയ്യാറാക്കിയെന്ന് മുഖ്യന്ത്രി. അവരെ പ്രാധാന്യത്തോടെ പരിഗണിക്കുക എന്നതാണ് ലക്ഷ്യം. അസുഖം ഉണ്ടാവാതിരിക്കാനും പ്രത്യേക ശ്രദ്ധ കൊടുക്കണം എന്നതാണ് ലക്ഷ്യമെന്ന് മുഖ്യമന്ത്രി. 

പാലിന്റെ മൊത്ത സംഭരണവും വിതരണവും നേരത്തെ തന്നെ നിയന്ത്രണത്തിൽ നിന്ന് ഒഴിവാക്കിയതാണ്. ഇതോടൊപ്പം ക്ഷീര വികസനം മൃഗ സംരംക്ഷണം എന്നിവയെ അവശ്യസേവനമായി പ്രഖ്യാപിക്കുകയാണ്. 

നാട്ടിലെ കാര്യമോർത്ത് പുറത്തുള്ള മലയാളികൾ വിഷമിക്കേണ്ടെന്ന് മുഖ്യന്ത്രി. ഇവിടെയുള്ള ബന്ധുക്കളുടെ കാര്യ ഭഭ്രമാണെന്നും മുഖ്യമന്ത്രി. 

തൃശൂർ ജില്ലയിൽ രണ്ടു പേർക്ക് കൂടി കോവിഡ് 19 സ്ഥിരീകരിച്ചു. ഫ്രാൻസിൽ നിന്ന് മടങ്ങി എത്തിയ രോഗബാധിതയായ യുവതിയുടെ ഭർത്താവിനും(32 വയസ്സ്) 21 വയസ്സുളള മറ്റൊരു യുവാവിനുമാണ് പുതുതായി രോഗം സ്ഥിരീകരിച്ചത്. ഇന്ന്  ലഭിച്ച 46 പരിശോധനഫലങ്ങളിൽ ഈ രണ്ടെണ്ണം ഒഴികെ മറ്റെല്ലാം നെഗറ്റീവാണ്. 40 സാമ്പിളുകൾ ഇന്ന് പരിശോധനയ്ക്ക് അയച്ചു. ഇതുവരെ 582 പേരുടെ സാമ്പിളുകൾ അയച്ചതിൽ 484 എണ്ണത്തിന്റെ ഫലം വന്നിട്ടുണ്ട്. 68 പേരുടെ പരിശോധനാ ഫലം ഇനിയും ലഭിക്കാനുണ്ട്.

വില കൂട്ടി വിൽക്കുന്നത് അനുവദിക്കാനാകില്ലെന്ന് മുഖ്യന്ത്രി. മൊത്തക്കച്ചവടക്കാരുമായി സംസാരിച്ചു. അന്യസംസ്ഥാനങ്ങളിൽ നിന്ന് സാധനങ്ങൾ എത്തിക്കുന്നതിന് സംവിധാനം ഉണ്ടാക്കുമെന്നും ഉന്നതതല സംഘം കാര്യങ്ങൾ നിരീക്ഷിക്കുമെന്നും മുഖ്യമന്ത്രി. 

സന്നദ്ധ പ്രവർത്തകരുടെ സംഘം പഞ്ചായത്ത് തലത്തിൽ പ്രവർത്തിക്കും. സന്നദ്ധ പ്രവർത്തകർക്ക് തിരിച്ചറിയിൽ കാർഡ് നൽകുമെന്നു മുഖ്യന്ത്രി. സംസ്ഥാനത്ത് ദുരന്തങ്ങളിൽ ഇടപെട്ട് സഹായിക്കാൻ സംസ്ഥാനത്താകെ വളന്റിയർമാർ വേണമെന്നും അതിന് പ്രത്യേക ഡയറക്ടറേറ്റ് വേണമെന്നും നേരത്തെ തീരുമാനിച്ചതാണ്. ഈ പ്രവർത്തനം പൂർണ്ണമായി സജ്ജമാക്കാനും ആരംഭിക്കാനും 22 മുതൽ 40 വയസ് വരെയുള്ള ആളുകളെ സന്നദ്ധ സേനയായി കണക്കാക്കും. 2.36 ലക്ഷം പേർ ഉൾപ്പെട്ട സന്നദ്ധ സേന ഈ ഘട്ടത്തിൽ രംഗത്തിറങ്ങണം.

നാളെ മുതൽ ക്ഷേമപെൻഷനുകൾ നൽകിത്തുടങ്ങുമെന്ന് മുഖ്യമന്ത്രി

കൊവിഡ് ഭീഷണി എത്ര കടുത്താലും നേരിടാൻ സംസ്ഥാനം സജ്ജമാണെന്ന് മുഖ്യമന്ത്രി. കമ്മ്യൂണിറ്റി കിച്ചണുകൾ ഇന്ന് മുതൽ പ്രവർത്തനം തുടങ്ങി. 47 തദ്ദേശ സ്ഥാപനങ്ങളിൽ കമ്മ്യൂണിറ്റി കിച്ചൺ തുടങ്ങി . റേഷൻ കാർഡില്ലാത്തവർക്കും സൗജന്യ ഭക്ഷ്യധാന്യം ഉറപ്പാക്കും. ആധാർ നമ്പർ പരിശോധിച്ച് ഇവർക്ക് റേഷൻ നൽകും.

കൊവിഡ് 19 ബാധിച്ച് മെഡിക്കൽ കൊളേജ് ആശുപത്രിയിൽ ചികിത്സയിൽ കഴിഞ്ഞിരുന്ന ശ്രീ ചിത്രയിലെ ഡോക്ടർ രോഗം ഭേദമായി ആശുപത്രി വിട്ടു. ഇയാളുമായി സമ്പർമുണ്ടായിരുന്ന മിക്കവരുടെയും ഫലം നെഗറ്റീവ്. 

കണ്ണൂരിൽ 9 പേർക്ക് കൊവിഡ്; കാസർകോടും മലപ്പുറത്തും 3 വീതം . തൃശ്ശൂർ 2, ഇടുക്കിയിലും വയനാടിലും ഒരാൾക്ക് വീതം കൊവിഡ് സ്ഥിരീകരിച്ചു.

കേന്ദ്ര സർക്കാരിന്‍റെ പ്രത്യേക കൊവിഡ് പാക്കേജ് സ്വാഗതാർഹമാണെന്ന് മുഖ്യമന്ത്രി പിണറായി വിജയൻ

Read more at: സംസ്ഥാനത്ത് ഇന്ന് 19 കൊവിഡ് ബാധിതര്‍ ; ആകെ കേസ് 126 ...

 

പത്തനംതിട്ടയിൽ ചികിത്സയിലായിരുന്ന ഒരാൾക്ക് രോഗം ഭേദമായതായി മുഖ്യമന്ത്രി. 

പുതുതായി കൊവിഡ് 19 സ്ഥിരീകരിച്ച 19ൽ 9 പേർ കണ്ണൂ‌ർ ജില്ലയിലെന്ന് മുഖ്യമന്ത്രി 

കേരളത്തിൽ ഇന്ന് 19 പേർക്ക് കൂടി കൊവിഡ് 19 സ്ഥിരീകരിച്ചതായി മുഖ്യമന്ത്രി പിണറായി വിജയൻ. ഇതോടെ സംസ്ഥാനത്ത് അകെ 126 പേർക്ക് രോഗം സ്ഥിരീകരിച്ചു.

തൃശൂർ ജില്ലയിൽ ഇന്ന് രജിസ്റ്റർ ചെയ്തത് 149 കേസുകൾ. 164 പേരെ അറസ്റ്റ് ചെയ്തു. 128 വണ്ടികൾ പിടിച്ചെടുത്തു.

കളമശേരി മെഡിക്കൽ കോളേജിൽ ചികിത്സയിൽ ഉണ്ടായിരുന്ന അഞ്ച് പേർ രോഗം ഭേദമായി ആശുപത്രി വിട്ടു. ഇറ്റലിയിൽ നിന്നെത്തിയ മൂന്ന് വയസുള്ള കുട്ടിയും മാതാപിതാക്കളും ആശുപത്രി വിട്ടു. ബ്രിട്ടീഷ് സംഘത്തിലെ രണ്ട് പേരും ഡിസ്ചാർജ് ആയി. ഇനി കളമശേരി മെഡിക്കൽ കോളേജിൽ ചികിത്സയിൽ ഉള്ളത് 15 പേരാണ്.

കൊവിഡ് 19 പ്രതിരോധ നടപടികൾ ചർച്ച ചെയ്യാനുള്ള ജി ഇരുപത് ഉച്ചകോടി തുടങ്ങി. പ്രധാനമന്ത്രി നരേന്ദ്ര മോദിയും യോഗത്തിൽ പങ്കെടുക്കുന്നു. വിഡിയോ കോൺഫറൻസിംഗ് വഴിയാണ് യോഗം. 

ലോക് ഡൗണ്‍ നിര്‍ദ്ദേശം ലംഘിച്ചതിന് കാസർകോട് ജില്ലയിൽ ഇന്ന് 30 കേസുകൾ രജിസ്റ്റർ ചെയ്തു.

ലോക്ക് ഡൗൺ ലംഘിച്ചതിന് പാലക്കാട് ജില്ലയിൽ 39 കേസുകളിലായി 37 പേരെ അറസ്റ്റ് ചെയ്തു. 34 വാഹനങ്ങൾ കസ്റ്റഡിയിലെടുത്തു

നാളെ പള്ളികളിൽ വെള്ളിയാഴ്ച പ്രാർത്ഥന ഉണ്ടായിരിക്കില്ലെന്ന് ദക്ഷിണ കേരള ജംഇയത്തുൽ ഉലമ. 

തമിഴ്നാട്ടിൽ ഒരാൾക്ക് കൂടി കൊവിഡ് 19 സ്ഥിരീകരിച്ചു. ദുബായിൽ നിന്ന് മടങ്ങിയെത്തിയ ട്രിച്ചി സ്വദേശിയായ 24 കാരനാണഅ കൊവിഡ് സ്ഥിരീകരിച്ചത്. ഇതോടെ തമിഴ്‍നാട്ടിൽ കൊവിഡ് ബാധിതർ 27 ആയി.

കൊവിഡ് പ്രതിരോധ പ്രവർത്തനങ്ങൾക്കായി സെക്രട്ടേറിയറ്റിൽ 24 മണിക്കൂർ വാർ റൂം. 

കർണാടക അതിർത്തിയായ കണ്ണൂർ കിളിയന്തറയിൽ താത്കാലിക ഐസൊലേഷൻ കേന്ദ്രങ്ങൾ തുടങ്ങി.ലോക്ക് ഡൗൺ ലംഘിച്ച് അതിർത്തി കടന്ന് മലയാളികൾ എത്തുന്നത് തുടർന്നതോടെയാണ് നടപടി. പ്രശ്നം കേന്ദ്ര ആരോഗ്യ മന്ത്രിയുടെ ശ്രദ്ധയിൽപ്പെടുത്തിയെന്ന് കണ്ണൂർ ജില്ലാ കളക്ടർ ഏഷ്യാനെറ്റ് ന്യൂസിനോട് പറഞ്ഞു. അതിർത്തി കടന്നെത്തിയ 75ലധികം ആളുകളെ താത്കാലി ഐസൊലേഷൻ കേന്ദ്രത്തിലേക്ക് മാറ്റി.