രാജ്യത്ത് കൊവിഡ് മരണസംഖ്യ 600 കടന്നു, രോഗികളുടെ എണ്ണം 19000 ത്തിലേക്ക്, മഹാരാഷ്ട്രയില്‍ സ്ഥിതി സങ്കീര്‍ണം|LIVE

കേന്ദ്ര സർക്കാർ എയർ ഇന്ത്യ വിൽപ്പനയുടെ താത്പര്യ പത്രം സമർപ്പിക്കേണ്ട തീയതി നീട്ടാൻ ആലോചിക്കുന്നു. കൊവിഡ് ബാധയെ തുടർന്നാണ് പുതിയ തീരുമാനം. ഏപ്രിൽ 30 വരെയാണ് ഇപ്പോൾ സമയം നൽകിയിരിക്കുന്നത്. നിലവിലെ സാമ്പത്തിക കാലാവസ്ഥയിൽ നിക്ഷേപകർക്ക് ഒരു പുനരാലോചനയ്ക്ക് കൂടി അവസരം നൽകുന്നതാണിത്. വിമാനക്കമ്പനികൾ ലോകത്താകമാനം തിരിച്ചടി നേരിട്ടിരിക്കുകയാണ്.

കുവൈത്തിൽ 37 ഇന്ത്യക്കാർ ഉൾപ്പെടെ 85 പേർക്ക് കൂടി കൊവിഡ് 19 സ്ഥിരീകരിച്ചു. രോഗം ബാധിച്ച് രണ്ട് പേർ മരിച്ചു. ഇതോടെ കൊവിഡ് ബാധിച്ച് മരിച്ചവരുടെ എണ്ണം പതിനൊന്നായി. ബംഗ്ലാദേശ്, സൊമാലിയ എന്നീ രാജ്യങ്ങളിലെ പൗരന്മാരാണ് മരിച്ചത്

കോഴിക്കോട് മെഡിക്കല്‍ കോളേജ് ആശുപത്രിക്കു പുറമെ ബീച്ച് ജനറല്‍ ആശുപത്രി, വടകര, നാദാപുരം, കൊയിലാണ്ടി താലൂക്ക് ആശുപത്രികള്‍ എന്നിവിടങ്ങളില്‍ കോവിഡ് പരിശോധനയ്ക്കുള്ള സ്രവ സാമ്പിളുകള്‍ ശേഖരിക്കാന്‍ സൗകര്യമുള്ളതായി കലക്ടറേറ്റില്‍ ചേര്‍ന്ന അവലോകന യോഗത്തില്‍ റിപ്പോര്‍ട്ട് ചെയ്തു. രോഗലക്ഷണങ്ങള്‍ ഉള്ളവരെ കോവിഡ് പരിശോധനയ്ക്കായി  ആശുപത്രിയില്‍ എത്തിക്കാന്‍ പ്രാഥമികാരോഗ്യ കേന്ദ്രങ്ങളിലെ ആംബുലന്‍സ് ഉപയോഗിക്കാവുന്നതാണെന്ന് യോഗത്തില്‍ ജില്ലാ കളക്ടര്‍ അറിയിച്ചു.  

സ്പ്രിംക്ലര്‍ ഇടപാടില്‍ മാധ്യമപ്രവര്‍ത്തകര്‍ ഉന്നയിച്ച സംശയങ്ങള്‍ക്ക് മറുപടി പറയുന്നതിന് പകരമായി ധാര്‍ഷ്ട്യത്തോടെ തെളിവ് കൊണ്ടുവരാന്‍ ആവശ്യപ്പെട്ട മുഖ്യമന്ത്രിക്ക് ഇപ്പോള്‍ തെളിവുകളുമായി  ഹൈക്കോടതിയിക്ക് മുന്നില്‍ എത്തേണ്ട സ്ഥിതി വിശേഷമാണ് ഉണ്ടായതെന്ന് കെപിസിസി പ്രസിഡന്റ് മുല്ലപ്പള്ളി രാമചന്ദ്രന്‍

തിരുവനന്തപുരം സിറ്റിയിൽ നാളെ മുതൽ മാസ്ക് ധരിക്കാതെ പുറത്തിറങ്ങിയാൽ നിയമ നടപടി സ്വീകരിക്കുമെന്ന് കമ്മീഷണർ ബെൽറാം കുമാർ ഉപാദ്ധ്യായ

രാജ്യത്ത് നിലവിലെ സ്ഥിതി ഇങ്ങനെ

ക്വാറന്‍റീൻ നിര്‍ദ്ദേശം ലംഘിച്ചയാള്‍ക്കെതിരെ കേസെടുത്തു. കോട്ടയം വടവാതൂർ സ്വദേശി ബോണി തോമസിനെതിരെയാണ് സാംക്രമിക രോഗ നിയന്ത്രണ ഓ‍ർഡിനൻസ് പ്രകാരമുള്ള നടപടി. കണ്ണൂർ ജില്ലയിൽ നിന്നെത്തിയതിനെ തുടർന്ന് ഇയാളോട് നിരീക്ഷണത്തിൽ കഴിയാൻ നിർദ്ദേശിച്ചിരുന്നു. ഇത്  ലംഘിച്ച്  ഇയാൾ കണ്ണൂരിലേക്ക് മടങ്ങി പോയതിനെ തുടർന്നാണ് കേസെടുത്തത് .
 

ദില്ലിയിൽ ഇന്ന് 75 പേർക്ക് കൂടി കൊവിഡ് സ്ഥിരീകരിച്ചു. ആകെ 2156പേർക്കാണ് ഇത് വരെ കൊവിഡ് സ്ഥിരീകരിച്ചത്.

സംസ്ഥാനത്ത് ലോക്ക് ഡൗൺ ഇളവുകൾ പ്രഖ്യാപിച്ചതോടെ കേസുകളുടെ എണ്ണത്തിൽ വന്‍ വർധവ്. നിയമങ്ങൾ ലംഘിച്ച് യാത്ര ചെയ്തതിന് ഇന്ന് സംസ്ഥാനത്ത് ആകെ 2,464 കേസുകള്‍ രജിസ്റ്റര്‍ ചെയ്തു. നിയമലംഘനം നടത്തിയ 2,120 പേരെ അറസ്റ്റ് ചെയ്തു. നിയമം ലംഘിച്ച് റോഡിലിറങ്ങിയ 1,939 വാഹനങ്ങളാണ് ഇന്ന് മാത്രം പിടിച്ചെടുത്തത്. ഇന്നലെ 2231 കേസുകളായിരുന്നു രജിസ്റ്റര്‍ ചെയ്തിരുന്നത്. ലോക് ഡൗൺ നിർദ്ദേശങ്ങൾ പാലിക്കാത്തതിന് തിരുവന്തപുരം റൂറലിലാണ് ഇന്ന് ഏറ്റവും കൂടുതല്‍ കേസുകള്‍ റിപ്പോര്‍ട്ട് ചെയ്തത്. 412 കേസുകള്‍ റിപ്പോര്‍ട്ട് ചെയ്യുകയും 417 പേരെ അറസ്റ്റ് ചെയ്യുകയുമുണ്ടായി. 324 വാഹനങ്ങള്‍ പിടിച്ചെടുത്തു. 

മഹാരാഷ്ട്രയിൽ 552 പേർക്ക് കൂടി കൊവിഡ് 19 സ്ഥിരീകരിച്ചു. ഇതോടെ സംസ്ഥാനത്തെ ആകെ രോഗികളുടെ എണ്ണം 5218 ആയി. 

യുഎഇയില്‍ ചികിത്സയിലായിരുന്ന പ്രവാസി മലയാളി മരിച്ചു. കണ്ണൂര്‍ കടവത്തൂര്‍ സ്വദേശി എടവന ഷക്കീറാണ് മരിച്ചത്. രണ്ടാഴ്ചയായി അസുഖ ബാധിതനായി അജ്മാന്‍ ജിഎംസി ആശുപത്രിയില്‍ ചികിത്സയിലായിരുന്നു. പിതാവ്: മൊയ്തീന്‍, മാതാവ്: ആയിശ. 

ഇടുക്കിയിലെ അതിർത്തി ഗ്രാമങ്ങളിൽ നിരോധനാജ്ഞ നീട്ടി. തമിഴ്നാട്ടിൽ കൊവിഡ് പടരുന്ന സാഹചര്യത്തിൽ ജില്ലയിലെ പീരുമേട്, ഉടുമ്പൻചോല താലുക്കുകളിലെ എട്ട് ഗ്രാമപഞ്ചായത്തുകളിലെ 27 വാർഡുകളിൽ ഏർപ്പെടുത്തിയിരിക്കുന്ന നിരോധനാജ്ഞ മേയ് മൂന്നു വരെ നീട്ടി ജില്ലാ കളക്ടർ ഉത്തരവിട്ടു. നെടുങ്കണ്ടം ഗ്രാമ പഞ്ചായത്തിലെ പത്താം വാർഡ് തമിഴ്നാടുമായി അതിർത്തി പങ്കിടുന്നതിനാൽ ഈ വാർഡിലും മേയ് മൂന്നു വരെ നിരോധനാജ്ഞ ഏർപ്പെടുത്തി. അതിർത്തി പ്രദേശങ്ങളിലെ പ്രധാന പാതകളിലൂടെയും വനപാതയിലൂടെയും ജനങ്ങൾ സഞ്ചരിക്കുന്നത് പൊലീസ് കർശനമായി തടയുന്നത് തുടരും. 

കർണാടകത്തിൽ ഇന്ന് 10 പേർക്ക് കൊവിഡ് സ്ഥിരീകരിച്ചു.

തമിഴ്നാട്ടിൽ 76 പേർക്ക് കൊവിഡ് സ്ഥിരീകരിച്ചു. രോഗബാധിതരുടെ എണ്ണം  1596 ആയി. 

കാർഷിക മേഖലയിൽ സമഗ്ര തന്ത്രം കൊണ്ട് വരുമെന്ന് മുഖ്യമന്ത്രി. രണ്ടു വർഷത്തിനുള്ളിൽ 25000 ഹെക്ടറിൽ നെൽ കൃഷി നടത്തും

എല്ലാവരും ചെറിയ തോതിൽ എങ്കിലും കൃഷി ചെയ്യണമെന്ന് മുഖ്യമന്ത്രി.  കൃഷി വകുപ്പ് തദ്ദേശ വകുപ്പുമായി ചേർന്ന് പുതിയ പദ്ധതി തയ്യാറാക്കും. ഒരു തദ്ദേശ സ്ഥാപന അതിർത്തിയിലും ഭൂമി തരിശ്ശിടില്ല എന്ന് പ്രതിജ്ഞ എടുക്കണം. സ്വന്തമായി തരിശ് ഇട്ടവർ കൃഷി ചെയ്യണം. അല്ലെങ്കിൽ കൃഷി ചെയ്യാൻ ഭൂ ഉടമ അനുവദിക്കണം. 

മനുഷ്യനം ജീവിക്കാനാവശ്യമായ ഭക്ഷണം ലഭ്യമാക്കണം, ഇവിടെ ഇല്ലെങ്കിൽ മറ്റ് സ്ഥലങ്ങളിൽ നിന്ന് കൊണ്ട് വരുമായിരുന്നു, 
നാം ഇങ്ങനെയൊന്നും ചിന്തിച്ചാൽ പോര നാം നാടിന്‍റെ പ്രത്യേകതകൾ ഉൾക്കൊണ്ട് കൊണ്ട് അതിനെ നേരിടാനുള്ള കരുതൽ നടപടികളിലേക്ക് കടക്കണം, ഇപ്പോൾ 213 ലോകരാഷ്ട്രങ്ങളിലാണ് ഇത് പടർന്ന് പിടിച്ചിരിക്കുന്നത്,ഇന്ന് ഭദ്രമാണ്. അടുത്ത ആഴ്ചയും മാസവും ആശങ്ക വേണ്ട ഇപ്പോൾ ഭക്ഷ്യധാന്യങ്ങൾ സ്റ്റോക്കുണ്ട്. 

ഈ മഹാമാരി എല്ലാ ഇടങ്ങളെയും ബാധിച്ചിരിക്കുന്നു, നമ്മുടെ സംസ്ഥാനം ഇപ്പോഴേ തയ്യാറെടുപ്പുകൾ നടത്തേണ്ടതായിട്ടുണട്. നമ്മുടെ സംസ്ഥാനം പല കാര്യങ്ങളിലും മറ്റ് സ്ഥലങ്ങളെ ആശ്രയിക്കുന്നുണ്ട്. നമ്മുക്ക് ആവശ്യമായ മുഴുവൻ ഭക്ഷ്യം ധാന്യങ്ങൾ ഇവിടെ തന്നെ ഉൽപ്പാദിപ്പിക്കേണ്ടതുണ്ട്. ഒരു ഘട്ടം കഴിഞ്ഞ് ഈ മഹാമാരിയുടെ ഒരു സംഹാരം മുഖം രാജ്യത്തും ലോകത്തും പ്രകടിപ്പിക്കുന്ന അവസ്ഥ വന്നാൽ നമ്മൾ അതിനേയും നേരിടേണ്ടവരാണ്. അന്ന് കരഞ്ഞിരുന്നിട്ട് കാര്യമില്ല, നമ്മൾ കരുതൽ നടപടികളിലേക്ക് കടക്കണം. 

നാം കടന്ന് പോകുന്നന്നത് വളരെ വിഷമം പിടിച്ച നാളുകളിലൂടെയാണെന്ന് തിരിച്ചറിയേണ്ടതുണ്ട്. നമ്മുടെ നാട് മാത്രമല്ല, രാജ്യമായാലും ലോകമായാലും ഈ മഹാമാരിയുടെ പിടിയിലകപ്പെട്ടാണ് നിൽക്കുന്നത് വളരെ വലിയ തോതിലുള്ള ആപത്ത് വന്ന് കഴിഞ്ഞു, ഇനി വരാനിരിക്കുന്നന ആപത്ത് ഏത് തരത്തിലാണെന്ന് കണ്ടറിയണം, ഇത് ഒട്ടേറേ മനുഷ്യ ജീവൻ കവരുന്നു, നാടും ജീവിതവും സ്തംഭിച്ചിരിക്കുന്നു ഇതുണ്ടാക്കുന്ന പ്രത്യാഘാതം വരും നാളുകളിൽ വലുതായിരിക്കും. 

ലോകമാകെ വിശുദ്ധ റമദാൻ മാസത്തേക്ക് കടക്കുകയാണ്. റമദാൻ കാലത്ത് പള്ളിയിലെ നമസ്ക്കാരങ്ങള്‍ക്ക് വലിയ പ്രധാന്യമാണ് കണക്കാക്കുന്നത്. എന്നാല്‍ രോഗവ്യാപന സാധ്യതയുള്ളതിനാല്‍ ആരാധനാലയങ്ങൾ നലവിലുള്ള സ്ഥിതി തുടരണം. ഇതില്‍ മതപണ്ഡിതരുമായി വീഡിയോ കോൺഫറസ് വഴി ചര്‍ച്ച ചെയ്ത് ധാരണയിലെത്തിയിട്ടുണ്ട്.  മത നേതാക്കൾ ഇക്കാര്യം ഉറപ്പ് നൽകിയതായി മുഖ്യമന്ത്രി. കൂട്ട പ്രാർത്ഥനകൾ കഞ്ഞി വിതരണം എന്നിവ മാറ്റി വെക്കും. ശരിയായ നിലപാടെടുത്ത മത നേതാക്കളോട് സര്‍ക്കാര്‍ നന്ദിയറിയിക്കുകയാണ്. 

മേയ് മാസത്തെ റേഷൻ വിതരണത്തിനുള്ള അരിയും ഗോതമ്പും തയ്യാ‌ർ. മഞ്ഞ പിങ്ക് റേഷൻ കാ‍ർഡുകൾക്കുള്ള വിതരണം ഇന്നലെ ആരംഭിച്ചു, ഏപ്രിൽ 26ന് പൂർ‍ത്തിയാക്കും, ഏപ്രിൽ 27 മുതൽ സംസ്ഥാന സർക്കാരിന്‍റെ കിറ്റ് വിതരണം തുടങ്ങും. 
 

ചെന്നൈയിൽ നിന്നെത്തിയ 18 കാരനാണ് മലപ്പുറത്ത് രോഗം സ്ഥിരീകരിച്ചത്. 

രോഗ പ്രതിരോധ മരുന്ന് നൽകാൻ ഹോമിയോപ്പതിക്ക് അനുമതി നൽകി.

വ്യവസായ സ്ഥാപനങ്ങളുടെ വൈദ്യതി ഫിക്സഡ് ചാർജ് ആറു മാസത്തേക്ക് മാറ്റി വെക്കുമെന്ന് മുഖ്യമന്ത്രി. മാർച്ച്,‌ ഏപ്രിൽ, മേയ്‌ മാസത്തെ ചാർജ്ജാണ് മാറ്റി വയ്ക്കുന്നത്. കേന്ദ്ര വൈദ്യുതി  നിലയങ്ങളിൽ നിന്നുള്ള വൈദ്യുതിയുടെ ചാർജ്ജ് ഒഴിവാക്കണമെന്ന് കേന്ദ്ര സർക്കാരിനോട് അഭ്യർത്ഥിച്ചിട്ടുമുണ്ട്.
 

പത്തനംതിട്ടയിലെ ആദ്യ കൊവിഡ് 19 കേസില്‍ പെട്ട 62 കാരി ഇപ്പോഴും പോസിറ്റീവായി തുടരുകയാണ്.

രോഗ വ്യാപനം പ്രവ‍ചനങ്ങൾക്ക് അതീതമാണെന്ന് ഓർമ്മിപ്പിച്ച് മുഖ്യമന്ത്രി. ഒരു തരത്തിലും ജാഗ്രത കുറവ് ഉണ്ടാകരുത്

ലോക്ക് ഡൗൺ കർശനമായി തുടരണമെന്ന് മുഖ്യമന്ത്രി. കൂടുതൽ സ്ഥലങ്ങളിൽ പരിശോധന ഉണ്ടാകും, ഹോട്ട് സ്പോട്ട് പ്രദേശങ്ങൾ പൂർണ്ണമായും സീൽ ചെയ്യും. കണ്ണൂരുൽ ഇന്ന് കുറേ പേർ റോഡിലിറങ്ങി, കണ്ണൂർ മേയ് മൂന്ന് വരെ റെഡ് സോണിലായിരിക്കും, ജനം ഇത് മനസിലാക്കി സഹകരിക്കണമെന്ന് മുഖ്യമന്ത്രി. 

നിലവിൽ എറ്റവും കൂടുതൽ രോഗികൾ ചികിത്സയിലുള്ളത് കണ്ണൂർ ജില്ലയിൽ ഇത് വരെ രോഗം സ്ഥിരീകരിച്ചത് 104 പേർക്ക്, ഒരു വീട്ടിൽ മാത്രം 10 പേർക്ക് രോഗം സ്ഥിരീകരിടച്ചു. 

ആശുപത്രി നിരീക്ഷണത്തിലുള്ളത് 332 പേർ, ഇന്ന് മാത്രം 102 പേരെ ആശുപത്രിയിൽ പ്രവേശിപ്പിച്ചു. 

ഇത് വരെ രോഗം സ്ഥിരീകരിച്ചത് 426 പേർക്കെന്ന് മുഖ്യമന്ത്രി. 117 പേർ നിലവിൽ ചികിത്സയിലാണ്. 

പാലക്കാട്, മലപ്പുറം, കൊല്ലം ജില്ലകളിൽ രോഗം സ്ഥിരീകരിച്ചത് തമിഴ്നാട്ടിൽ നിന്ന് വന്നവർക്ക്, അതിർത്തിയിൽ നിയന്ത്രണങ്ങൾ കർക്കശമാക്കണമെന്ന് മുഖ്യമന്ത്രി. 

സംസ്ഥാനത്ത് 16 പേർക്ക് രോഗം ഭേദമായി. കണ്ണൂർ  7, കാസർകോടും കോഴിക്കോട് നാല്, തിരുവനന്തപുരം 3 എന്നിങ്ങനെയാണ് രോഗം ഭേദമായവരുടെ കണക്ക്.  

സംസ്ഥാനത്ത് 19  പേർക്ക് കൂടി കൊവിഡ് സ്ഥിരീകരിച്ചതായി മുഖ്യമന്ത്രി. ഇതിൽ 10 പേരും കണ്ണൂരിൽ. പാലക്കാട് നാല് പേർക്കും കാസർകോട് മുന്ന് പേർക്കും മലപ്പുറം, കൊല്ലം 1 വീതം ആൾക്കാർക്കും രോഗം സ്ഥിരീകരിച്ചു. 

കൊവിഡ് അവലോകന യോഗത്തിന് ശേഷം മുഖ്യമന്ത്രിയുടെ വാർത്താ സമ്മേളനം , 

ദില്ലിയിൽ കോവിഡ് ബാധിതരുടെ എണ്ണം 2081 ആയി, ഇത് വരെ 47 പേർ മരിച്ചു. ദില്ലിയിൽ നാളെ മുതൽ മാധ്യമ പ്രവർത്തകർക്ക് പരിശോധന നടത്തുമെന്ന് അരവിന്ദ് കെജ്രിവാൾ. 

ദില്ലിയിലെ നഴ്സ്മാർക്ക് താക്കീതുമായി ആശുപത്രികൾ. മാധ്യമങ്ങളിളുടെയോ സമൂഹമാധ്യമങ്ങളിലൂടെയോ പരാതികൾ പുറത്ത് പറയരുത്. ബുദ്ധിമുട്ടുകൾ വകുപ്പ്‌ മേധാവികളെ അറിയിക്കണമെന്നാണ് നിർദ്ദേശം. പരാതികൾ പുറത്ത് പോകുന്നത് സർക്കാരിനു ക്ഷീണം ആകുന്നു എന്നും സർക്കുലർ. 

രാജ്യത്ത് കൊവിഡ് മരണം 600 കടന്നു. മരണ സംഖ്യ 603 ആയതായി ആരോഗ്യമന്ത്രാലയം. ആകെ രോഗബാധിതരുടെ എണ്ണം 18985 ആയി, ഇത് വരെ 3259 പേർക്ക് രോഗം ഭേമായി. 15122 പേർ ചികിത്സയിലാണ്. 

കേന്ദ്ര ആരോഗ്യമന്ത്രാലയം വെബ്സൈറ്റിൽ പ്രസിദ്ധീകരിച്ച പട്ടിക. 

മടങ്ങി എത്തുന്നവരെ മുൻഗണന അനുസരിച്ച് 9 വിഭാഗങ്ങായി തിരിക്കും . രോഗലക്ഷണങ്ങൾ ഇല്ലാത്തവരെ വീടുകളിലേക്ക് അയക്കും . എത്ര ദിവസം മുമ്പ് പരിശോധന നടത്തണം എന്ന് ആരോഗ്യവകുപ്പ് തീരുമാനിക്കും .

പ്രവാസികളുടെ മടക്കത്തിന് മാർഗരേഖയുമായി സംസ്ഥാന സർക്കാർ. മടങ്ങാൻ ആഗ്രഹിക്കുന്നവർ കൊവിഡ് ടെസ്റ്റ് നടത്തി രോഗം ഇല്ലെന്ന് ഉറപ്പാക്കണം. നോർക്ക സൈറ്റിൽ രജിസ്റ്റർ ചെയ്യണം. രജിസ്ട്രേഷൻ കേരളത്തിൽ നിരീക്ഷണ സൗകര്യം ഒരുക്കുന്നതിന് വേണ്ടി.

കാസർകോട് ഇന്ന് 4 പേർ ഡിസ്ചാർജ്ജ് ആവും, 3 പേർ ജനറൽ ആശുപത്രിയിൽ നിന്നും ഒരാൾ പരിയാരം മെഡിക്കൽ കോളേജിൽ നിന്നുമാണ് രോഗം ഭേദമായി ആശുപത്രി വിടുന്നത്. ഇനി 21 പേരാണ് ജില്ലയിൽ കൊവിഡ് പോസിറ്റീവ് ആയി ചികിത്സയിൽ ഉള്ളത്.