മഹാരാഷ്ട്രയിൽ രണ്ട് വാഹനാപകടങ്ങളിലായി 14 പേർ മരിച്ചു, മരിച്ചവരിൽ മൂന്ന് കുട്ടികളും.

ഭണ്ഡാരയിലും നാന്ദേഡിലുമായാണ് ഇന്ന് പുലർച്ചെ അപകടമുണ്ടായത്. എട്ട് പേർ ചികിത്സയിലാണ് മരിച്ചവരുടെ കുടുംബത്തിന് ധനസഹായം പ്രഖ്യാപിച്ച് പ്രധാനമന്ത്രി.

മുംബൈ. മഹാരാഷ്ട്ര ഉണർന്നത് രണ്ട് ദുരന്തവാർത്ത കേട്ടാണ്. ഭണ്ഡാരയിലെ പിമ്പാൽഗാവിലൽ പുലർച്ചെ മൂന്ന് മണിക്കുണ്ടായ അപകടത്തിൽ മൂന്ന് കുട്ടികളടക്കം 8 പേർ മരിച്ചു, ഛത്തീസ്ഗഡിൽ നിന്ന് റായ്പൂർ വഴി നാ​ഗ്പൂരിലേക്ക് പോകുന്നവരാണ് അപകടത്തിൽ പെട്ടത്. ‌ട്രക്ക് വാനുമായി കൂ‌ട്ടിയിടിക്കുകയായിരുന്നു.വാനിലുണ്ടായിരുന്നവരാണ് മരിച്ചത്. നാന്ദേഡിൽ പാസഞ്ചർ വാനും ട്രക്കും കൂട്ടിയിടിച്ചായിരുന്നു അപകടം. 6 പേർ മരിച്ചു. എട്ട് പേർ ഗുരുതരാവസ്ഥയിൽ ചികിത്സയിലാണ്. രാവിലെ ഏഴ് മണിക്കാണ് സംഭവം. മരിച്ചവരുടെ കുടുംബത്തിന് സഹായധനം പ്രഖ്യാപിച്ച് പ്രധാനമന്ത്രി. മരിച്ചവരുടെ കുടംബത്തിന് 2 ലക്ഷവും പരിക്കേറ്റവർക്ക് 50000 രൂപയും സഹായധനം നൽകും