അലബാമയില് ഗര്ഭഛിദ്രം നിരോധിച്ചു
Synopsis
ബലാത്സംഗത്തിനിരയായി ഗര്ഭിണിയായാല് പോലും ഗര്ഭഛിദ്രം നടത്തുന്നത് ഇനിമുതല് കുറ്റകരമാകും.
അലബാമ(യുഎസ്എ): അമേരിക്കയിലെ അലബാമയില് ഗര്ഭഛിദ്രം പൂര്ണമായി നിരോധിക്കുന്ന ബില് സെനറ്റ് പാസാക്കി. ബലാത്സംഗത്തിനിരയായി ഗര്ഭിണിയായാല് പോലും ഗര്ഭഛിദ്രം നടത്തുന്നത് ഇനിമുതല് കുറ്റകരമാകും.
ആറിനെതിരെ 25 വോട്ടുകള്ക്കാണ് സെനറ്റ് നിയമം പാസാക്കിയത്.
99 വര്ഷം വരെ ശിക്ഷ ലഭിക്കാവുന്ന കുറ്റമായിരിക്കും ഗര്ഭഛിദ്രമെന്ന് നിയമത്തില് പറയുന്നു. ഗര്ഭിണിയായ സ്ത്രീയുടെ ജീവന് ഭീഷണിയാകുന്ന സന്ദര്ഭത്തില് മാത്രമായിരിക്കും ഗര്ഭഛിദ്രത്തിന് അനുമതി നല്കുക.
ബലാത്സംഗത്തിന് ഇരയായി ഗര്ഭിണിയാകുന്ന സ്ത്രീകളെ ഒഴിവാക്കണമെന്ന് ഭേദഗതി നിര്ദേശിച്ചെങ്കിലും വോട്ടിനിട്ട് തള്ളി. ആറ് മാസത്തിന് ശേഷം ഗവര്ണറുടെ ഒപ്പോടുകൂടി മാത്രമേ നിയമം നടപ്പില് വരുകയുള്ളൂ.
നിയമനിര്മാണത്തിനെതിരെ ഒരു വിഭാഗം നിയമനടപടിക്കൊരുങ്ങുകയാണ്. ബില്ലിനെതിരയും അനുകൂലവുമായി ആളുകള് രംഗത്തിറങ്ങി.
ഇന്ത്യയിലെയും ലോകമെമ്പാടുമുള്ള എല്ലാ International News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam Live News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam