അമേരിക്കയിലെ ദീപാവലി ആഘോഷം രാജ്യത്തിന്‍റെ മത സ്വാതന്ത്ര്യം വിളിച്ചുപറയുന്നുവെന്ന് ട്രംപ്

''അമേരിക്കയില്‍ മുഴുവന്‍ ദീപങ്ങളുടെ ഉത്സവം ആഘോഷിക്കുന്നത് രാജ്യത്തിന്‍റെ മത സ്വാതന്ത്ര്യമെന്ന നയത്തെയാണ് ഓര്‍മ്മിപ്പിക്കുന്നത്'' 

വാഷിംഗ്ടണ്‍: അമേരിക്കയില്‍ ദീപാവലി ആഘോഷിക്കുന്നത് രാജ്യത്തെ മതസ്വാതന്ത്ര്യമാണ് വ്യക്തമാക്കുന്നതെന്ന് പ്രഡിസന്‍റ് ഡൊണാള്‍ഡ് ട്രംപ്. ഹിന്ദു, ജൈന സിഖ് ബുദ്ധ മതസ്ഥര്‍ക്ക് ദീപാവലി ആശംസിച്ചുകൊണ്ട് സംസാരിക്കവെയായിരുന്നു ട്രംപിന്‍റെ വാക്കുകള്‍. 

''അമേരിക്കയില്‍ മുഴുവന്‍ ദീപങ്ങളുടെ ഉത്സവം ആഘോഷിക്കുന്നത് രാജ്യത്തിന്‍റെ മത സ്വാതന്ത്ര്യമെന്ന നയത്തെയാണ് ഓര്‍മ്മിപ്പിക്കുന്നത്'' - ട്രംപ് പറഞ്ഞു. അമേരിക്കയിലെ ഇന്തയ്ന്‍ വംശജരുടെ ഒരു സംഘവുമൊത്ത് ഓവല്‍ ഹൗസില്‍ വച്ച് ട്രംപ് ദിപാവലി ആഘോഷിച്ചു. 

'' ഈ ദീപാവലി ദിനത്തില്‍ മെലാനിയയും ഞാനും ദീപങ്ങളുടെ ഉത്സവം ആഘോഷിക്കുകയും എല്ലാവര്‍ക്കും ആശംസകള്‍ നേരുകയും ചെയ്യുന്നു'' - ട്രംപ് വ്യക്തമാക്കി. തിന്മയ്ക്ക് മേല്‍ നന്മ നേടുന്ന വിജയമായാണ് ലോകത്തെമ്പാടുമുള്ള ഹിന്ദു  ജൈന സിഖ് ബുദ്ധമതങ്ങള്‍ ദീപാവലി ആഘോഷിക്കുന്നതെന്നും ട്രംപ് പറഞ്ഞു.