അമേരിക്ക-ഇറാൻ സമാധാന കരാർ എഫക്ട്, ഇന്ധനവില മാസങ്ങൾക്ക് ശേഷം കുറച്ച് യുഎഇ; പ്രവാസികൾക്കടക്കം വലിയ ആശ്വാസം

അമേരിക്ക-ഇറാൻ സമാധാന കരാറിനെ തുടർന്ന് യുഎഇയിൽ ഇന്ധനവിലയിൽ കാര്യമായ കുറവ് രേഖപ്പെടുത്തി. മാസങ്ങളായി തുടർന്ന വിലവർദ്ധനവിന് ശേഷമുള്ള ഈ തീരുമാനം പ്രവാസികൾ ഉൾപ്പെടെയുള്ളവർക്ക് വലിയ ആശ്വാസം നൽകുന്നു

അബുദാബി: അമേരിക്ക - ഇറാൻ സമാധാന കരാറിന് പിന്നാലെ യു എ ഇ ഇന്ധനവില കുറച്ചു. മാസങ്ങളോളം തുടർച്ചയായ വർധനവിന് ശേഷമാണ് ഇത്. സൂപ്പർ 98 പെട്രോൾ 3.95 ദിർഹത്തിൽ നിന്ന് 3.40 ആയി താഴ്ന്നു. സ്പെഷ്യൽ 95 പെട്രോൾ 3.29 ദിർഹമായി കുറഞ്ഞു. നേരത്തെ ഇത് 3.83 ദിർഹമായിരുന്നു. ഇ പ്ലസ് 91 പെട്രോൾ 3.76 ദിർഹത്തിൽ നിന്ന് 3.21 ആയി കുറഞ്ഞു. ഡീസലിൽ കാര്യമായ കുറവുണ്ട്. 4.33 ദിർഹത്തിൽ നിന്ന് 3.6 ദിർഹമായി കുറഞ്ഞു. യുദ്ധത്തിന് പിന്നാലെ ഇന്ധനവില അറുപത് ശതമാനത്തോളം ഉയർന്നിരുന്നു. പ്രവാസികൾക്കുൾപ്പടെ വലിയ ആശ്വാസമാണ് തീരുമാനം.

ഏഷ്യാനെറ്റ് ന്യൂസ് വാർത്തകൾ തത്സമയം കാണാം