അവ ഭയന്നിരിക്കാം, അപ്രതീക്ഷിതമായുണ്ടായ ഒരുമിച്ചുള്ള പറക്കലിൽ കൂട്ടിമുട്ടിയതായിരിക്കാം, ജനാലകളിലും കെട്ടിടങ്ങളിലും ഇടിച്ച്...
റോം: പുതുവത്സര രാത്രിയിലെ ആഘോഷങ്ങൾക്കായി പടക്കം പൊട്ടിച്ചതുവഴി ഇറ്റലിയുടെ തലസ്ഥാനമായ റോമിൽ ചത്തൊടുങ്ങിയത് നൂറ് കണക്കിന് പക്ഷികൾ. കൂട്ടക്കൊലയെന്നാണ് റോമിലെ മൃഗാവകാശസംഘടന സംഭവത്തെ വിശേഷിപ്പിച്ചത്. റോമിലെ തെരുവിൽ നിരവധി പക്ഷികൾ ചത്ത് വീണ് കിടക്കുന്ന ദൃശ്യങ്ങൾ സമൂഹ മാധ്യമങ്ങളിൽ പ്രചരിക്കുന്നുണ്ട്.
മരണകാരണം വ്യക്തമല്ലെങ്കിലും പടക്കത്തിന്റെ ഉപയോഗം പക്ഷികളെ ബാധിച്ചിട്ടുണ്ടെന്നാണ് മൃഗസംരക്ഷണ സംഘടന ആരോപിക്കുന്നത്. അവ ഭയന്നിരിക്കാം, അപ്രതീക്ഷിതമായുണ്ടായ ഒരുമിച്ചുള്ള പറക്കലിൽ കൂട്ടിമുട്ടിയതായിരിക്കാം, ജനാലകളിലും കെട്ടിടങ്ങളിലും ഇടിച്ച് വീണതുമാകാമെന്നാണ് പ്രാഥമിക നിഗമനം. പക്ഷികൾക്കും ഹൃദയാഘാതം ഉണ്ടാകാമെന്നത് മറക്കരുതെന്നും സംഘടന പറഞ്ഞു.