മൂന്ന് ആഴ്ചത്തെ അഭ്യൂഹങ്ങള്‍ക്കൊടുവില്‍ കഴിഞ്ഞ ദിവസമാണ് കിം പൊതുവേദിയില്‍ പ്രത്യക്ഷപ്പെട്ടത്. കിമ്മിന്റെ ആരോഗ്യസ്ഥിതി ഗുരുതരമായെന്നും അദ്ദേഹം ചികിത്സയിലാണെന്നും അമേരിക്കന്‍ മാധ്യമങ്ങള്‍ റിപ്പോര്‍ട്ട് ചെയ്തിരുന്നു.
വാഷിംഗ്ടണ്‍: കിം ജോങ് ഉന്നിന്റെ തിരിച്ചുവരവില്‍ സന്തോഷം പ്രകടിപ്പിച്ച് അമേരിക്കന്‍ പ്രസിഡന്റ് ഡോണള്‍ഡ് ട്രംപ്. കിം ആരോഗ്യത്തോടെ തിരിച്ചുവന്നത് സന്തോഷം പകരുന്നതാണെന്ന് ട്രംപ് ട്വീറ്റ് ചെയ്തു. കിമ്മിന്റെ ചിത്രങ്ങള്‍ സഹിതമാണ് ട്രംപ് ട്വീറ്റ് ചെയ്തത്.
I, for one, am glad to see he is back, and well! https://t.co/mIWVeRMnOJ
— Donald J. Trump (@realDonaldTrump)മൂന്ന് ആഴ്ചത്തെ അഭ്യൂഹങ്ങള്‍ക്കൊടുവില്‍ കഴിഞ്ഞ ദിവസമാണ് കിം പൊതുവേദിയില്‍ പ്രത്യക്ഷപ്പെട്ടത്. കിമ്മിന്റെ ആരോഗ്യസ്ഥിതി ഗുരുതരമായെന്നും അദ്ദേഹം ചികിത്സയിലാണെന്നും അമേരിക്കന്‍ മാധ്യമങ്ങള്‍ റിപ്പോര്‍ട്ട് ചെയ്തിരുന്നു. കിമ്മിന് മസ്തിഷ്‌ക മരണം സംഭവിച്ചെന്നുവരെ മാധ്യമങ്ങള്‍ റിപ്പോര്‍ട്ട് ചെയ്തു. എന്നാല്‍, വെള്ളിയാഴ്ച കിം രാജ്യത്തെ വളം ഫാക്ടറി ഉദ്ഘാടനം ചെയ്യുന്ന ചിത്രവും ദൃശ്യങ്ങളും പുറത്തുവിട്ടാണ് അഭ്യൂഹങ്ങള്‍ക്ക് മറുപടി നല്‍കിയത്.
തന്റെ മുത്തച്ഛന്റെ ജന്മദിനത്തില്‍ കിമ്മിന്റെ അസാന്നിധ്യമാണ് അഭ്യൂഹങ്ങള്‍ക്ക് കാരണം. രാജ്യത്തെ പ്രധാന ആഘോഷമായ ദിനത്തില്‍ കിം പങ്കെടുക്കാതിരുന്നത് ഏറെ ചര്‍ച്ചകള്‍ക്ക് കാരണമായി. എന്നാല്‍, അമേരിക്കന്‍ മാധ്യമങ്ങള്‍ പുറത്തുവിട്ട വാര്‍ത്ത ട്രംപ് നേരത്തെ തള്ളിയിരുന്നു.