പശ്ചിമേഷ്യൻ സംഘർഷം അവസാനിപ്പിക്കുന്നതിൽ നിലപാട് വ്യക്തമാക്കി ഇറാൻ പ്രസിഡൻ്റ്; 'രാജ്യത്തിൻ്റെ അന്തസ്സും പരമാധികാരവും വിട്ടുവീഴ്‌ച ചെയ്യില്ല'

പശ്ചിമേഷ്യൻ സംഘർഷം അവസാനിപ്പിക്കുന്നതിൽ നിലപാട് വ്യക്തമാക്കി ഇറാൻ പ്രസിഡൻ്റ് മസൂദ് പെസഷ്‌കിയാൻ. മേഖലയിൽ സുസ്ഥിര സമാധാനം നിലനിർത്താൻ പ്രതിജ്ഞാബദ്ധരാണെന്നും എന്നാൽ രാജ്യത്തിൻ്റെ അന്തസും പരമാധികാരവും വിട്ടുവീഴ്ച ചെയ്യില്ലെന്നും അദ്ദേഹം എക്‌സിലൂടെ അറിയിച്ചു. ചില രാജ്യങ്ങൾ മധ്യസ്ഥ ശ്രമങ്ങൾ ആരംഭിച്ചതായും അദ്ദേഹം കൂട്ടിച്ചേർത്തു.

ടെഹ്റാൻ: പശ്ചിമേഷ്യൻ സംഘർഷം അവസാനിപ്പിക്കുന്നതിൽ നിലപാട് വ്യക്തമാക്കി ഇറാൻ പ്രസിഡൻ്റ് മസൂദ് പെസഷ്‌കിയാൻ. സമൂഹ മാധ്യമമായ എക്‌സിലാണ് അദ്ദേഹം നിലപാട് വ്യക്തമാക്കിയത്. ചില രാജ്യങ്ങൾ മധ്യസ്ഥതയ്ക്കുള്ള ശ്രമങ്ങൾ ആരംഭിച്ചിട്ടുണ്ടെന്ന് പറഞ്ഞ അദ്ദേഹം പശ്ചിമേഷ്യൻ മേഖലയിൽ സുസ്ഥിര സമാധാനം നിലനിർത്താൻ തങ്ങൾ പ്രതിജ്ഞാബദ്ധരാണെന്നും പറഞ്ഞു. അതേസമയം രാജ്യത്തിൻ്റെ അന്തസും പരമാധികാരവും വിട്ടുവീഴ്ച ചെയ്യാൻ തയ്യാറല്ല. അത് സംരക്ഷിക്കാൻ നേരിയ തോതിൽ പോലും വിമുഖത കാട്ടില്ലെന്നും പെസഷ്‌കിയാനെ ഉദ്ധരിച്ച് വാർത്താ ഏജൻസിയായ റോയിട്ടേഴ്‌സ് റിപ്പോർട്ട് ചെയ്യുന്നു.