അഫ്ഗാനിസ്ഥാൻ സർക്കാരും താലിബാനും തമ്മിലുള്ള സമാധാന ചർച്ചകൾ മൂന്നു മാസമായി ഖത്തറിൽ തുടരുന്നതിനിടെയാണ് ആക്രമണമുണ്ടായത്
കാബൂൾ: അഫ്ഗാനിസ്ഥാൻ തലസ്ഥാനമായ കാബൂളിൽ പതിനാല് ഇടങ്ങളിൽ റോക്കറ്റ് ആക്രമണം. മൂന്നു പേർ മരിച്ചു. നിരവധിപ്പേർക്ക് ഗുരുതരമായി പരിക്കേറ്റു. ആക്രമണത്തിന്റെ ഉത്തരവാദിത്തം ഇതുവരേയും ആരും ഏറ്റെടുത്തിട്ടില്ല. അഫ്ഗാൻ സർക്കാരും താലിബാനും തമ്മിലുള്ള സമാധാന ചർച്ചകൾ മൂന്നു മാസമായി ഖത്തറിൽ തുടരുന്നതിനിടെയാണ് ആക്രമണമുണ്ടായത്. ചർച്ചകളിൽ ഇതുവരെ കാര്യമായ പുരോഗതിയുള്ളതായി റിപ്പോർട്ടില്ല. എന്നാൽ റോക്കറ്റ് ആക്രമണങ്ങളിൽ പങ്കില്ലെന്നാണ് താലിബാൻ നിലപാട്.