സര്ക്കാറിന്റെ ഉദ്ഘാടന ചടങ്ങ് ഒഴിവാക്കി താലിബാന്; ധൂര്ത്തൊഴിവാക്കാനെന്ന് വിശദീകരണം
Synopsis
നേരത്തെ, വേള്ഡ് ട്രേഡ് സെന്റര് ആക്രമണ വാര്ഷികമായ സെപ്റ്റംബര് 11ന് സര്ക്കാര് അധികാരമേല്ക്കുന്ന ചടങ്ങ് നടത്താനായിരുന്നു താലിബാന്റെ പദ്ധതി. ചൈന, റഷ്യ, പാകിസ്ഥാന്, ഇറാന്, ഖത്തര് തുടങ്ങിയ രാജ്യങ്ങളെയും ക്ഷണിച്ചിരുന്നു.
കാബൂള്: പുതിയതായി അധികാരമേറ്റ ഇടക്കാല സര്ക്കാര് സ്ഥാനമേറ്റെടുക്കുന്ന ചടങ്ങ് ഒഴിവാക്കി താലിബാന്. ധൂര്ത്ത് ഒഴിവാക്കുന്നതിന്റെ ഭാഗമായാണ് ചടങ്ങ് ഒഴിവാക്കിയതെന്നാണ് താലിബാന് വിശദീകരണം. പണവും മറ്റ് വിഭവങ്ങളും പാഴാക്കാതിരിക്കാനാണ് പരിപാടി ഒഴിവാക്കിയതെന്ന് താലിബാന് വക്താവ് അറിയിച്ചു. നേരത്തെ, വേള്ഡ് ട്രേഡ് സെന്റര് ആക്രമണ വാര്ഷികമായ സെപ്റ്റംബര് 11ന് സര്ക്കാര് അധികാരമേല്ക്കുന്ന ചടങ്ങ് നടത്താനായിരുന്നു താലിബാന്റെ പദ്ധതി. ചൈന, റഷ്യ, പാകിസ്ഥാന്, ഇറാന്, ഖത്തര് തുടങ്ങിയ രാജ്യങ്ങളെയും ക്ഷണിച്ചിരുന്നു.
അതേസമയം, അനുകൂലിക്കുന്ന രാജ്യങ്ങളുടെ സമ്മര്ദ്ദത്തെ തുടര്ന്നാണ് ചടങ്ങ് ഒഴിവാക്കിയതെന്ന് റഷ്യന് ന്യൂസ് ഏജന്സി ടാസ് റിപ്പോര്ട്ട് ചെയ്തു. താലിബാന് സര്ക്കാര് അധികാരത്തിലേറുന്ന ചടങ്ങ് നടത്തുന്നത് തടയാന് യുഎസും നാറ്റോയും ഖത്തറിന് മേല് സമ്മര്ദ്ദം ചെലുത്തിയെന്നും റിപ്പോര്ട്ടില് പറയുന്നു. ചടങ്ങില് പങ്കെടുക്കില്ലെന്ന് റഷ്യ നേരത്തെ അറിയിച്ചിരുന്നു. ഉദ്ഘാടന ചടങ്ങ് നടത്തേണ്ടെന്ന് താലിബാന് നേരത്തെ നിശ്ചയിച്ചെന്ന് ഇനാമുള്ള സാമന്ഗനി ട്വീറ്റ് ചെയ്തു. വിഷയത്തില് ജനങ്ങളെ ആശയക്കുഴപ്പത്തിലാക്കാനില്ലെന്നും അദ്ദേഹം വ്യക്തമാക്കി. ചൊവ്വാഴ്ചയാണ് അഫ്ഗാനില് താലിബാന് ഇടക്കാല സര്ക്കാര് ചുമതലയേറ്റത്.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിന് എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്ത്ഥിക്കുന്നു. ഒന്നിച്ച് നിന്നാല് നമുക്ക് ഈ മഹാമാരിയെ തോല്പ്പിക്കാനാവും. #BreakTheChain #ANCares #IndiaFightsCorona
ഇന്ത്യയിലെയും ലോകമെമ്പാടുമുള്ള എല്ലാ International News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam Live News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam