ഒപ്പം ഈ വർഷം ഗുജറാത്തിലെ അഹമ്മദാബാദിൽ നടന്ന നമസ്തേ ട്രംപ് പരിപാടിയിൽ ഇരുവരും ഒന്നിച്ചുള്ള ഫോട്ടോയും അദ്ദേഹം ട്വീറ്റിൽ കൂട്ടിച്ചേർത്തിട്ടുണ്ട്.
വാഷിംഗ്ടൺ: പ്രധാനമന്ത്രി നരേന്ദ്ര മോദിക്ക് 70-ാം ജന്മദിനാശംസകളുമായി അമേരിക്കൻ പ്രസിഡന്റ് ഡോണൾഡ് ട്രംപ്. മോദി മികച്ച നേതാവും വിശ്വസ്തനായ സുഹൃത്തുമാണെന്ന് ട്രംപ് ട്വീറ്റിൽ കുറിച്ചു. ഒപ്പം ഈ വർഷം ഗുജറാത്തിലെ അഹമ്മദാബാദിൽ നടന്ന നമസ്തേ ട്രംപ് പരിപാടിയിൽ ഇരുവരും ഒന്നിച്ചുള്ള ഫോട്ടോയും അദ്ദേഹം ട്വീറ്റിൽ കൂട്ടിച്ചേർത്തിട്ടുണ്ട്.
സെപ്റ്റംബർ 17 വ്യാഴാഴ്ചയായിരുന്നു മോദിയുടെ എഴുപതാം ജന്മദിനം. രാജ്യത്തിന്റെയും ലോകത്തിന്റെയും വിവിധ ഭാഗങ്ങളിൽ നിന്നായി നിരവധി ആശംസകളാണ് മോദിക്ക് ലഭിച്ചത്. 'രാജ്യമെങ്ങുമുള്ള, ലോകമെങ്ങുമുള്ള ജനങ്ങൾ അവരുടെ ഹൃദ്യമായ ആശംസകൾ അറിയിച്ചിരുന്നു. ആശംസ അറിയിച്ച ഓരോരുത്തരോടും നന്ദി പറയുന്നു. എന്റെ പ്രിയപ്പെട്ട പൗരൻമാരെ പുരോഗതിയിലേക്ക് നയിക്കാൻ വേണ്ടി സേവനം ചെയ്യാനുള്ള ശക്തി ഈ ആശംസകൾ എനിക്ക് നൽകുന്നു.' മോദി ട്വിറ്ററിൽ കുറിച്ചു.
I would like to extend best wishes and a very happy 70th birthday to the Prime Minister of India, . Many happy returns to a GREAT LEADER and loyal friend! pic.twitter.com/CWlVkHk16X
— Donald J. Trump (@realDonaldTrump)കഴിഞ്ഞ സെപ്റ്റംബറിൽ മോദി അമേരിക്ക സന്ദർശിച്ചിരുന്നു. ട്രംപിനൊപ്പം ഹൗഡി മോദി പരിപാടിയിൽ പങ്കെടുത്ത് പ്രസംഗിച്ചിരുന്നു. ഈ വർഷം ഫെബ്രുവരിയിലാണ് ട്രംപ് ഗുജറാത്തിലെ അഹമ്മദാബാദിലെത്തി നമസ്തേ ട്രംപ് പരിപാടിയിൽ പങ്കെടുത്തത്. വളരെ അടുത്ത സുഹൃത്തുക്കളായാണ് മോദിയും ട്രംപും ഇടപഴകുന്നത്. കൊവിഡിനെതിരെയുള്ള പോരാട്ടത്തിൽ ഇരുനേതാക്കളും ഫോണിലൂടെ ആശയവിനിമയം നടത്തിയിരുന്നു.