ആയുധ ഇടപാടിലെ അനിശ്ചിതത്വം അവസാനിക്കുന്നു; ജർമ്മനിക്ക് ടോമാഹോക്ക് മിസൈലുകൾ നൽകാൻ യുഎസ് അനുമതി; സ്ഥിരീകരിച്ച് ചാൻസലർ മെർസ്

ജർമ്മനിക്ക് ടോമാഹോക്ക് മിസൈലുകൾ വിൽക്കാൻ അമേരിക്ക അനുമതി നൽകിയതായി ജർമ്മൻ ചാൻസലർ മെർസ് അറിയിച്ചു. എന്നാൽ, ഇതേ ഇടപാട് റദ്ദാക്കിയേക്കുമെന്ന് കഴിഞ്ഞ മെയിൽ സൂചന നൽകിയത് മെർസ് തന്നെയായിരുന്നു.

വാഷിങ്ടൺ: ടോമാഹോക്ക് മിസൈലുകൾ ജർമ്മനിക്ക് വിൽക്കാൻ അമേരിക്ക അനുമതി നൽകി. ജർമ്മൻ ചാൻസലർ മെർസ് ആണ് ഇക്കാര്യം ഔദ്യോഗികമായി സ്ഥിരീകരിച്ചത്. ഇതോടെ, ഏറെക്കാലമായി ചർച്ചയിലുണ്ടായിരുന്ന ആയുധ ഇടപാടിന്മേലുള്ള അനിശ്ചിതത്വം അവസാനിക്കുകയാണ്.

ഇക്കഴിഞ്ഞ മേയിൽ ഈ മിസൈൽ ഇടപാട് റദ്ദാക്കപ്പെടാൻ സാധ്യതയുണ്ടെന്ന് സൂചന നൽകിയത് മെർസ് തന്നെയായിരുന്നു. ഏതാനും മാസങ്ങൾക്കിപ്പുറം ഇടപാടിന് യുഎസ് അംഗീകാരം ലഭിച്ചതായി അദ്ദേഹം തന്നെ വ്യക്തമാക്കുന്നത് രാഷ്ട്രീയ കേന്ദ്രങ്ങളിൽ ചർച്ചയായിട്ടുണ്ട്. മുൻ നിലപാടിൽ നിന്നുള്ള ഈ മാറ്റം ജർമ്മനിയുടെ പ്രതിരോധ നയങ്ങളിൽ നിർണായകമായാണ് വിലയിരുത്തപ്പെടുന്നത്. 

മുൻ അമേരിക്കൻ പ്രസിഡന്‍റ് ജോ ബൈഡനാണ് ജർമ്മനിക്ക് ടോമാഹോക്ക് മിസൈലുകൾ വിന്യസിക്കാനുള്ള പദ്ധതി ആദ്യമായി പ്രഖ്യാപിച്ചത്. ഈ പദ്ധതിയാണ് ഇപ്പോൾ യാഥാർത്ഥ്യമാകാൻ പോകുന്നത്. മെർസിന്റെ പുതിയ പ്രഖ്യാപനത്തോടെ, ബൈഡൻ മുന്നോട്ടുവെച്ച പദ്ധതിയുമായി മുന്നോട്ട് പോകാൻ വഴി തുറന്നിരിക്കുകയാണ്.