ടി20യില്‍ സുരേഷ് റെയ്‌നയ്ക്ക് ചരിത്ര നേട്ടം. ടി20യില്‍ ഇന്ത്യയില്‍ 6000 റണ്‍സ് നേടുന്ന ആദ്യ താരമെന്ന നേട്ടത്തില്‍ റെയ്‌ന.
ചെന്നൈ: ഐപിഎല്ലില്‍ രാജസ്ഥാന്‍ റോയല്‍സിനെതിരായ മത്സരത്തില്‍ ചെന്നൈ സൂപ്പര്‍ കിംഗ്‌സ് താരം സുരേഷ് റെയ്‌നയ്ക്ക് ചരിത്ര നേട്ടം. ടി20യില്‍ ഇന്ത്യയില്‍ 6000 റണ്‍സ് നേടുന്ന ആദ്യ താരമാണ് റെയ്‌ന. മത്സരത്തില്‍ 32 പന്തില്‍ 36 റണ്‍സാണ് റെയ്‌ന സ്വന്തമാക്കിയത്.
ടി20 ക്രിക്കറ്റില്‍ ആകെ 288 മത്സരങ്ങളില്‍ നിന്ന് 33.16 ശരാശരിയില്‍ 8058 റണ്‍സാണ് റെയ്‌നയുടെ സമ്പാദ്യം. ഐപിഎല്ലില്‍ 34.25 ശരാശരിയില്‍ 175 ഇന്നിംഗ്‌സുകളില്‍ 5070 റണ്‍സ് റെയ്‌ന അടിച്ചെടുത്തു. ബാക്കി 1605 റണ്‍സ് അന്താരാഷ്ട്ര ടി20യില്‍ ഇന്ത്യക്കായി നേടിയതാണ്. ടി20യില്‍ ഏറ്റവും കൂടുതല്‍ റണ്‍സ് നേടിയ ഇന്ത്യന്‍ താരം കൂടിയാണ് റെയ്‌ന. ഐപിഎല്ലില്‍ 5000 റണ്‍സ് തികയ്ക്കുന്ന ആദ്യ താരമെന്ന നേട്ടം സീസണിലെ ആദ്യ മത്സരത്തില്‍ റെയ്‌ന സ്വന്തമാക്കിയിരുന്നു.