റണ്ണൊഴുക്കിന്‍റെ ഋതു; ഓറഞ്ച് ക്യാപ്പ് തിരിച്ചുപിടിച്ച് റുതുരാജ് ഗെയ്‌ക്‌വാദ്

ഐപിഎല്‍ കലാശപ്പോരില്‍ കൊല്‍ക്കത്ത നൈറ്റ് റൈഡേഴ്‌സിനെതിരെ 24 റണ്‍സ് നേടിയപ്പോഴാണ് തൊപ്പി ഗെയ്‌ക്‌വാദിന്‍റെ തലയിലായത്

ദുബായ്: ഐപിഎല്‍ പതിനാലാം സീസണിലെ(IPL 2021) കലാശപ്പോരില്‍ ഓറഞ്ച് ക്യാപ്പ്(Orange Cap) തിരിച്ചുപിടിച്ച് ചെന്നൈ സൂപ്പര്‍ കിംഗ്‌സ്(Chennai Super Kings) ഓപ്പണര്‍ റുതുരാജ് ഗെയ്‌ക്‌വാദ്(Ruturaj Gaikwad). കൊല്‍ക്കത്ത നൈറ്റ് റൈഡേഴ്‌സിനെതിരെ(Kolkata Knight Riders) 24 റണ്‍സ് നേടിയപ്പോഴാണ് തൊപ്പി ഗെയ്‌ക്‌വാദിന്‍റെ തലയിലായത്. സീസണില്‍ 13 ഇന്നിംഗ്‌സില്‍ 626 റണ്‍സെടുത്ത പഞ്ചാബ് കിംഗ്‌സ്(Punjab Kings) നായകന്‍ കെ എല്‍ രാഹുലിനെയാണ്(KL Rahul) സിഎസ്‌കെ(CSK) താരം പിന്തള്ളിയത്. 

ദുബായില്‍ ചെന്നൈ സൂപ്പര്‍ കിംഗ്‌സ്-കൊല്‍ക്കത്ത നൈറ്റ് റൈഡേഴ്‌സ് ഫൈനല്‍ പുരോഗമിക്കുകയാണ്. ടോസ് നേടിയ കൊല്‍ക്കത്ത നായകന്‍ ഓയിന്‍ മോര്‍ഗന്‍ ഫീല്‍ഡിംഗ് തെരഞ്ഞെടുക്കുകയായിരുന്നു. പവര്‍പ്ലേയില്‍ റുതുരാജ്-ഗെയ്‌ക്‌വാദ് സഖ്യം 50 റണ്‍സ് ചെന്നൈക്കായി ചേര്‍ത്തിട്ടുണ്ട്. കഴിഞ്ഞ മത്സരത്തില്‍ നിന്ന് മാറ്റങ്ങളൊന്നുമില്ലാതെയാണ് ഇരു ടീമും കളിക്കുന്നത്. 

Chennai Super Kings: Ruturaj Gaikwad, Faf du Plessis, Robin Uthappa, Moeen Ali, Ambati Rayudu, MS Dhoni(w/c), Ravindra Jadeja, Dwayne Bravo, Shardul Thakur, Deepak Chahar, Josh Hazlewood

Kolkata Knight Riders: Shubman Gill, Venkatesh Iyer, Nitish Rana, Rahul Tripathi, Dinesh Karthik(w), Eoin Morgan(c), Shakib Al Hasan, Sunil Narine, Lockie Ferguson, Shivam Mavi, Varun Chakaravarthy